مساءالخير بعيونك ولعيونك مساء الخير
يا أصعب حب بالدنيا تكوّن في مداراتي...

وربي فيك اتمنى اصور فرحتي تصوير
لاخلي كل ذرة بداخلي تهدي تحياتي...

ألا ليت الغلا يقدر يهز الشوق والتفسير
لعله بس لو يقدر يوصف لك طموحاتي...

أعبر..لا ؛ ماودي! أخاف يخون التعبير
واخاف ان شفتها عيونك يطول الصمت وسكاتي...

نعم يا (نور) هالدنيا ونعم يالنور والتنوير
نعم يا أقرب من عيوني على بعد المسافاتي...


أنا جيتك وانا كلي مشاعر تحمل التقدير
باقدم لك غلا يحمل معاني طيب نياتي...

حبيبي لك انا بامشي وبارقي في سماك الطير
ابي توصل الى اخر مدى بالحب خطواتي...

معك بكل مافيني غلا مايلحقه تقصير
معاك وحتى لو تخطي أحبك في معاناتي...

أحبك ليش ما أحبك؟!وانا يكفي أحب الغير!!
الى منه نطق باسمك مثل ماتنطق شفاتي...

أنا لما عرفت الحب..عرفته وكنت حيل صغير
وعرفتك..صرت أنا أكبر من الدنيا وهقواتي...

وكتبتك بالشعر حتى بدت مني الحروف تغير
كتبتك لين شفت الناس تردد فيك ابياتي...

ومن اللي بس يشغلني؟!ويقدر يشغل التفكير!!
حشا والله ما غيرك .. شغلني بكل اوقاتي...

حبيبي لايجي بالك "أنا وفيت مهما يصير"
ترى كل الكلام الي قريته بعض كلماتي...