قطرات قلم من بقايا بوح القلب

يالعاذل اللي تقول وتردد وتعيد
حبيبتي هي نورعيني وغاليــــها
والله ان حبها بقلبي كل يومٍ يزيد
محبة نقا عن عيون الحاسداخفيها
حبيبتي هي الدم اللي بالوريد
وهي الروح اللي زرعهابداخلي باريها
ان قلت احبها مافيه شيٍ جديد
عنداهلي وربعي قصه حب ارويها


نهيان

لوتقابلنا وسلمت ردي الســــلام
خلي مشاعرالحب بفكري تهيض
لاتخلين اللقا يضيع بالابتــــــسام
خلي الكفوف تتلامس والحب ينبض
جيتك وعندي للحب اصل الامــــان
وقلبي ماقــــــد حب ولك تــــروض
انتي ياللي لها بحه تذبحني بالكلام
ترى ساعات الحب لوراحت ماتعوض!!

نهيان

يا اللي تمكن هواك
من قلب ما حب سواك
لأجلك تهون الأمور
لو كان في حكمك تجور
لا كان رضى يا حبيبي
لا كان رضا حتى ترضى
أأمر عيوني تطيعك
قلب شرى ما يبيعك
مهما يكون يا حبيبي
الحب عندي شفيعك

انا اللي سمع بالخاطب قام صاح
وان لبستي الحلي زينـتي الحلي
عقبك جافتني الدنياوجافاني الانشراح!
علام الدنيا تاخذ كل شي كان الي
اسهر الين اسمع بالمساجدحياعلى الفلاح
بغيت همي ينجلي ولاهو بمنجلي
عز الله انك غاليه وزينة كل الملاح
وانتي اللي قلبي بحبـــها يمــــتلي
تذبحني فيك الاعين الخضرالصحاح
لونقص حب الناس حبك انتي يعتلي

نهيان

والله انـــــك انتي شمـــــعة سنينـــــي
شفتك بغيت اجيك من لهفتي طحت
انتي النور اللي اشـــوفك في عيــني
وانتــــي اللي حـــبك نحت قلـــبي نحت
ان ضعتي مني ضاع كل شي بيديني
ولاينفع كثــــر النوح مهما انــــا صحت



نهيان

لقد مللت الحياة بعدك
اين انت تعال ورد روحي الي
وفيت بوعدي فــ أُوفي بوعدك
ان مت بعدوصلك فما علي


نهيان

اسف حبيبي
انا ماني على خبرك
ذاك الانسان اللي تخبره تغير
قسوتك هدته
وصمتك الطاغي جرحه
وترجع بشكك تذبحه

اسف حبيبي
ماني على خبرك
خليتني الضحيه وسامحتك
وتوهمت انك ضحيه وزدت ظلمك
بنيت بيني وبينك سدود
وكم ذبحتني بكثير ردود
وهمك تخطي وانا علي اعتذر
وانت اخطائك تهطل مثل مطر
وتقول بدا مني الصدود

اسف حبيبي
ماني على خبرك
اعترف كنت احبك ومازلت
بس عزة نفسي تهمني
وهي فوق كل شي
وغيرها والله ولاشي
وان كان ودك تعتذر ابدأ بالعذر
لاني معاك صار ثوبي الصبر
وان كان مالك نيه بعذر
انا عن حبك اعتذر


اسف حبيبي
انا ماني على خبرك
ذاك الانسان اللي تخبره تغير
قسوتك هدته
وصمتك الطاغي جرحه
وترجع بشكك تذبحه
والله ماعاد لك عندي عذر

كأنك مانت عارفني .. ولا بيني وبينك حب
وعامل مانت شايفني .. وانا اشوفك بعين القلب
عشانك عشت في وحده .. افكر فيك دون الناس
ولما الحظ يخدمني .. تقوم بالصد تحرمني
وتتجاهل تكلمني .. كأنك مانت عارفني

تخاف عينك تيجي في عيني .. تعاتب فيا افعالك
تخاف النظره تعطيني .. خفايا سري في حالك
لساني يقول عن قلبي .. وعيني تفضح الأسرار
وليه يا غايتي وحبي .. تطول بيننا المشوار
وتتجاهل تكلمني .. كأنك مانت عارفني

تعال بس نتفاهم .. وروحي تصالح النسيان
وطول الليل نتنادم .. وتسقيني الهنا الوان
ويبقى سرنا مكتوم .. وتصفالي المحبه دوم
ويرتاح قلبي المحروم .. واحلف ما اقول لك يوم
وتتجاهل تكلمني .. كأنك مانت عارفني

فيا عَجباً لمن ربيتُ طِفْلاً * أُلَقِّمُه بأطرافِ البنانِ
أُعَلِّمُه الرمايةَ كُلَّ يومٍ * فلما اشْتَدَّ ساعدُه رماني
وكم عَلَّمْتُهُ نَظْمَ القَوافِي * فلما قالَ قافيةً هجاني


السكوت ارحم و لا الشكوى لظالم
اشتكــيـــــله منـــــــه و انشـــــــــده العداله

الصراحــــــه فيــه معدومة معالم
و ان شكـــــــــيت من الهوى قالوا جهاله

قاله اللي مـــن جروح الحب سالم
يحســــــــــــب انـــــــــي مثـــله بدنياي داله

جهلــوني بالـهوى تجهـيل عالم
ما رعــــــــــوا حبـــــي و لا خــلوا مجــــاله

مننِـــــــي بمواصل به كنت حالم
ودي احــــــــــــــيا لحظة العشق و دلاله