صوتك !!

[نجمة سهيل]

http://25.media.tumblr.com/tumblr_loyo2y96lZ1qhaqm9o1_500.jpg


للحين صوتك داخلي حي مامات
أتذكّره وأحنّله وأستعيده !!

للحين أحسّه غير عن كل الأصوات
هذي مواويله وهذا نشيده !!

أتفقّده / وأفتقده بكل الأوقات
ويمدّلي من خلف الأحزان أيده !!

ماغاب عن سمعي ولو غاب لحظات
لو بيني وبينك مسافه بعيده

كل شي أحبه فيك والصوت بالذات
ياليت لو أن الليالي تعيده !!

صوتك تعبت أختصره فبعض كلمات
صوتك لحن يوم أحتياجي قصيده !!

تكلّم أكثر داخلي ناسٍ أموات
أحي بصدى صوتك مشاعر بليده !!

وأصرخ .. كثير أحيان نحتاج صرخات
لا صارت الأيام مثلك عنيده !!

[نهيان]

ألأصيله
صح السانك وسلم بنانك
قصيده راقيه كرقيك
دمتي بسعاده

[منصور]

الأصيــــــــــــله
رائعه كلماتك سيدتي
صح الله لسانك وسلم بنانك
شكراً لك , وربي يعطيك العافيه
تقبلي سيدتي خالص تحياتي
ودمتي بكل خير

[صآحبة آلفخآمهَ]

سلمت يدآك ..
على جميل طرحك وحسن ذآئقتك
يعطيك ربي ألف عافيه
بإنتظار جديدك بكل شوق ..
لك مني جزيل الشكر والتقدير ..
..}~ مودتي