إسمك حبيبي ويا كثِرها أساميك

[شايان]

تَعَبت أشيـل الهَم عنّك وأداريك
وإنتَ همومـي ثقلَهَــا مـا يهمِّك !

لا يا ( حبيبي) .. الزمن لا يخليك
تقسى على قلبي وتسقيه سِمِّك !

[ دِ نْ يـَ ا كْ ] هذي , لا تغيِّر مباديك
مهما إستطعت الظلم إعدل بحكمك !

ما هي غريبه من يذمِّك يماشيك
لكن غريبـــه يمدحك من يذمِّك !!

ما كل واحدغاب معناه ناسيك
بعض البشر ينساكلو كان يمك!

أدري تعزني .. اللـه يعز غاليك
وإن كان لـي عندك معزَّه بضمك !

في خاطري كم كلمةٍ : عن تجافيك
وإن شفت دمعاتي إنزَلَت .. حط كمِّك !

إسمك حبيبي ويا كثِرها أساميك
وقلبي يفز .. لا جابوا الناس إسمك !

ليتك تحس في ضيقتي يوم أحاتيك
أحرق لك أعصابي .. وما حَس دمِّك !

غايب بدون أعذار .. ربِّي يجازيك
عطني سبب مُقنع حبيبي .. وألمكّ !

همِّك , جنونك , ضحكتك , كل ما فيك
صوتك , سكوتك , وأرجع أقول : ( هـ مِّ كْ ) !

[ لبيــه ] منِّك غير .. لمَّا أناديك
كن الكلام العَذب ... مرساه فمِّك !

مهما غلوك قلوب ناسٍ حوالــــيك
أغليك أكثر منِّهُم بس .. لعلمك !

أبوك , خالك , إختك , أخوك , ماضيك
ربعك ، جميع النـاس, وعيـــال عمِّك !

شايف غلاهم لِك .. أكثر أنا أغليك
واللِّي وِصَل ( نِص الغلا ) يمكن أمّك !

[جبال الصمت]

شايان.
ليس غريب عنك.. انك..
تختارين.. كل ماهو احساس..
وشوق.. تنصاع القلوب له للقراءة...
لا أدري ما اقول بحضرتك..
.
سوى استمري..
فنحن مازلنا ندرس في الصفوف الدنيا..
كي نجيد في يوم المجاراة..
..
لك السعادة لك

[انثى برائحة الورد]

تسلم ايدك شوشو
اختيار رائع
استمتعت بتواجدي هنا
بانتطار الجديد من هذا الابداع

[انثى برائحة الورد]

قصيدة رائعة
شكرا على الاختيار الانيق
و بانتطار كل قادمك يا قمر

[منصور]

طرح في غايه آلروعه وآلجمال
سلمت آناملك على الانتقاء الاكثر من رائع
ولاحرمنا جديدك القادم والشيق
ونحن له بالإنتظار

[نهيان]

الملكه
شاايوو

اشكرك على اختيارك الراقي
يعطيك العافيه ياغاليه
ننتظر كل ماهو جديد فلاتبخلي
دمتي بسعاده

[غيـِــم♪]

صح الله السان قايلها
وسلمت انامل ناقلها
كلمات رائعه
اختيار ذوق وراقي
يعطيك العافيه