ياهاجسي غن طاروق الشعر غنه

[شايان]

ياهاجسي غن طاروق الشعر غنه
إلحق على ما بقا والا العمر فاني

ويا صدري اصبر مثل صبري على الونه
يا طول صبرك علي وشين ما جاني

يلج فيك الحزن واخفيه واكنه
واذا بغيت اشتكي ما طاوع لساني

وانا الذي لو ظروف الوقت حدنه
يموت ما يشتكي لفلان وفلاني

من سبة اللي عشقته من صغر سنه
اتناه يكبر مثل ما كان يتناني

كنه خلق مني وكني بعد منه
والله مدري من اللي يموت في الثاني

ابيه واقدره واغليه واحنه
مثل ماهو يرخص الدنيا علشاني

كم واحدٍ ما غدت بقعا على ظنه
لو هو على الكيف ما قفا وخلاني

نبغى من الحظ والله ما عطا منه
يا ما تمنيت وهو يا ما تمناني

يسوقني خافقي للوصل واعنه
ولولا غلا صاحبي ماكان عناني

من اول يزورني محدٍ درا عنه
واليوم عذره بلاي عيال عماني

يابو علي صار لامن مرني كنه
يستعجل بخطوته لأجل يتعداني

واجيه واقدامي اللي كل ما جنه
يردها سلم ابوي وسلم جداني

العين في شوفته لا مر ممتنه
ياجعل يسقا علي قدام يجفاني

الهجر طول وقدني مبطيٍ منه
واخاف اذا زيد جا .. ماعاد يلقاني

القلب يصبر على فرقاه لكنه
الا طرى لي وانا في الليل سراني

ان كنت انا غاليٍ في ناظره فـ انه
غلاه يجري مع دمي وشرياني

لا صار مابه عشم لابليس في الجنه
احس لي اعيش باقي العمر وحداني

ولو سج مني عساني ما خلا منه
والله ما انساه كود الموت ينساني !


:frtg::frtg::frtg:

مما راق لي

[انثى برائحة الورد]

لله درك
ولقلمك
ما نبض من إحساس صادق
رقي في اسلوبك الرئع
كل الود والتقدير

[نهيان]

الملكه
شاايوو


سلمتي على اختيارك الذوق ياذوق
اشكرك على رقي اختيارك
يعطيك العافيه
لاتبخلي بكل ماهو جديد
دمتي بسعاده

[ذيب الجنوب]

يعطيك العافية على هذا الابداع
سلمت يمناك ولاعدمنا جديدك المميز
لك مني أجمل التحيات

[منصور]

طرح في غايه آلروعه
سلمت آناملك على
الانتقاء الاكثر من رائع
ولاحرمنا جديدك القادم
تحياتي لك