اختيارات شعرية

[خلف الشبلي]

ان بغيت انك مثل غيرك تفارق
فارق وفرقاك مافيها خساره
مثل غيرك وانت مانت انسان خارق
قالو ان الحر تكفيه الاشاره
دوك قلبي كله قبور. ومحارق
ماتجي في حجمهم قطف الزقاره
انجرح لا من خسرت انسان فارق
انجلط واحس في قلبي حراره

[خلف الشبلي]

الله على شعرك وكلك وطاريك
ياعالي(ن) بالفرقدين. امتعلي
الشعر كان الشعر لاجاك يرضيك
يجيك شعري ثم انا اجيك كلي
والشاعر اللي في قصيده. يجاريك
تجيه شيخات القصايد تهلي
ياخذ من عيون القصايد ويعطبك
قصايد(ن) ماهي قصايد تسلي
ان ما استطاع احلى بيوته تجي فيك
ف انت امسح ارقامه وخله يولي

[شايان]

تسلم الايادي التي حملت لنا الرقي
جهود ولا اروع
كل التقدير والشكر

[جلال اليماني]

استمتعت كثير وانا اقرأ ماجادت به يمناك

سلمت وسلمت اناملك

لك كل المحبه

[نهيان]

اشكرك على رقي انتقائك
يعطيك العافيه
ننتظركل ماهو جديد بشوق فلاتبخل

[خلف الشبلي]

ياعين أنا أشوف الصبر أخير من منّة بخيل
والرزق بيدين الولي والناس ماهي ناصحة

أشوف انا بعض العرب ماترغب العلم الجميل
ولاجيتها في نفعة مارحت نفسك سامحة

ربع معك وقت الرخا وان مال بك وقتك تميل
والا علوم المرجلة ماهيب فيها فالحة

مادام حظي منعثر وش لي بصنع المستحيل
خله كفاه اللي مضاه اليوم وايّا البارحــة

ليت الردي من خلقته يكتب على وجهه دليل
والا يعلق في جبينة للاوادم لايحـــة

أنا زرعت الحنظلة وأسقيتها بالسلسبيل
لكن جنيت الشوك من روس الغصون المالحة

مايلّدغ مرة ومرة كود من عقلة هبيل
ومن لاحسب للمقبلة مايحتسب للرايحة

دنيا تشوف بها الفهد يخشى من البسّ الذليل
والذيب عداه العشا صوت الكلاب النابحة