روائع الشعر العراقي/كاظم اسماعيل كاطع/تغطيت وبعدني الليلة بردان

[ناطق العبيدي]

بسم الله الرحمن الرحيم اللهم صل على محمد وعلى آله وصحبه أجمعين
تغطيت وبعدني الليلة بردان
لأن مو انت يمي فراشي بارد
وينك يادفو ياجمر الاحزان
احسن دمي بالشريان جامد
يامهر الصبر ما كضك اعنان
نسمع بس صهيلك وين شارد
كل ساعة وتعتني اجفوف بطران
ونة جلد العلية قماشة بايد
تعال اوزن همومي وجيب ميزان
وشوف شكد عذاب الروح زايد
انسحبو من حياتي هواي خلان
بقيت ب هالزمان لوحدي اعاند
سواد الليل يبقى وتطفى الالوان
وعيد بذكريتك والمشاهد
اذا كل طير عندة اثنين جنحان
آنة مكسور وعشت بجناح واحد
على بير المنايا وجيت عطشان
مجبور وشربت الماي راكد
وينك يالبعيد الكلب مليان
غنة وبستات ودموع وقصايد
وياك بعشرتي يازمن خسران
مثل عشرت النار وية الكواغد
لو طاهر حليبة الزمن ما خان
ضربني براسي غفلة وآني كاعد

[عاشق العميد]

يسلمو ويعطيك الف عافية على روعة القصيدة

[ضي القمر]

انتقاء ثري بالذائقة
وابيات قمة في الجمال والتعبير
صح لسان شاعرها
وسلمت يداك الوضاءة لروعة الجلب
سلمت ودمت
تحياتي

[ملكة الحنان]

سلمت يداك على روعة الموضوع
مميز بنتقاء جديدك الرائع
دوم بإنتظار جديدك الشيق
اعذب التحايا

[نهيان]

اشكرك على رقي انتقائك وجلبك
قصيده أكثر من رائعه
يعطيك العافيه ياغالي
وننتظر المزيد من اختياراتك فلاتبخل