الحقيقة ..

[نجمة سهيل]

اللي خذا قلبي عن البال ماغاب
وما غاب طيفه عن خيالي دقيقه
والله قلبي من جروحه فلا طاب
قلبي تحمل فوق ما لا يطيقه
فوق الهموم وغربتي بين الاجناب
والعين تذرف دمعها بالدقيقه
وش جاب ذاك اليوم لليوم وش جاب
عقب السعادة صار بالصدر ضيقه
والله ماهو بس نظرات واعجاب
وسط الضماير له محبة عميقه
حبه بقلبي زاد والشوق ينساب
واعلنت حبه للملا والخليقه
وشلون يهجرني بلا ذنب واسباب
ودي اعرف اليوم كل الحقيقيه
زادت همومي والدمع دوم سكاب
مدري وش اللي عن وصالي يعيقه
ماعاد لي من عقبه اليوم احباب
غاب الفرح عني وغايب بريقه
أحس قلبي من عنا الوقت قد ذاب
عز الله اني وسط همي غريقه
اللي خذا قلبي عن البال ما غاب
وهمي غدا ثقل الجبال الشهيقه

[نهيان]

صح الله السان شاعرها وناقلها
سلمتي على رقي ماسطرتي
كلمات تلامس القلوب
دمتي للابداع والتميز عنوان

[نبض القلوب]

طرح يفوق الجماال
كعآدتك إبداع في صفحاتك
يعطيك الف عافيه
بانتظارالمزيد من هذآ الفيض
لقلبك كل السعاده والفرح
http://img27.imageshack.us/img27/6593/1036983ikg2cevzkgwj5.gif