لاتشتكي للناس لوكنت مطعون ~~{{...

[عساف الخيول]

اضحك وفلّ حجاجك اشفيك محزون

دنياك ماتسوى وخذها نصيحه..


مادام مالك ميت ولا انت مديون

ارم الهموم وخل نفسك مريحه..

لو كانوا اصحابك يضاهون مليون

نق الكفو منهم وخل السطيحه..

ولا تشتكي للناس لوكنت مطعون

والذم من بعض الخلايق مديحه..

ولا تنحني للهم وتعيش مغبون

ترا المريح اهل العقول الصحيحه..

لاصرت صادق قالوا الناس مجنون


مايمدحون الا النفوس القبيحه..

وخلك صمود بوجه الايام دندون

وما حرم الله اثم لا تستبيحه..

والكبر لو به فايده فاد فرعون

ومن ذاع سرّه بشّره بالفضيحه..

والله لو يعطون لك مال قارون

ماشفت نفسك بالغنى مستريحه

[نجمة سهيل]

{{ولا تنحني للهم وتعيش مغبون}}
يسلم السانك
كلمات في قمة الجمال والذوق
وحروف فيها من الصدق والوفاء والعطاء
الكثير الكثير
دمت بعز ومعزه
لا نخلا ولا نعدم من حضورك وتميزك

[عساف الخيول]

يسلمو سيدتي الغاليه سمراء الشمال

على هذا المرور العطر

وهذه الكلمات الراقيه الرائعه

كل الشكر والتقدير لروحك