ألا يا قلب خبرني متى برتاح بلا أحزان؟؟

[نجمة سهيل]

ألا يا قلب خبرني متى برتاح بلا أحزان؟؟

ألا يا قلب كلمني ..علامك صرت تتعبني ؟!



ألا يا قلب خبرني بقصة خلي مع الأشجان


ألا يا قلب دخيل الله .. طلبتك بس جاوبني


تعبت ولا تعبت انتــه .. ألا يا قلبي الولهان


أبي القى جوابٍ عن سؤالٍ دووم حيرني


أبي أسألك عن دمعي علامه صار لي عنوان ؟


أبي أسأل عن جروحي متى خلي يداوني ؟!


أبي أسألك عن نفسي يومي كنت شموخ انسان


غريبه شالذي صاير بدنيا حيل تحطمني ؟!!


أنا كنت بشكل وردة بوسط ورود هالبستان


وكـــلٍ كان يرعـــاني ولا يبغي يزعــلني


ولكني أنا اليوم ذبــــولٍ في وسط جثمــان


صرخت ولا لقيت اللي تلفت لي ويسمعني


نعم يا خل أنا ودي تروي قلبي العطشان


أنا أبغيك ترجع لي دخيلك بس ناظرني


أبي أسكن أنا يمك وانت تكون لي أعوان


انا ما ابي سواك انته ابيك انته تصارحني


أبيك تقول يا قلبي تحبني وانت بي هيمان ؟


أو اني هامش بسطرك وليه انته اتجاهلني ؟!


أبيك تقول وتريّح شعور بقــــلبي الولهان


أبيك تجاوب سؤالي .. دخيلك لا تحيرني

[برستيج]

رآئــــع قلم رآقي ..
الله يعطيك الف عآفية ..
ولآتحرمينا من جديدك ..
تحيآتي لك ..
http://www9.0zz0.com/2013/05/27/18/439150134.png

[ريان الخبر]

اندلاقه روح على وريقات الحنين الآفله
محكمه النبض حروفك فاضلتي
نقشتيها انتِ على ورق البردى
ونقشناها نحن على جدار الروح
فجنون بوحكِ هنا قد تسابق حيث موطن الجمال
http://www.skoon-elamar.com/vb/image.php?u=115&dateline=1356804046 (http://www.skoon-elamar.com/vb/member.php?u=115)
ماطرة أنتِ حد الارتواء
سلم مدادكِ الدافق سحرا

[نجمة سهيل]

برسستيج

ريان الخبر

الف شكر لهذا الحضور الجميل
اسعدني تواجدك