|
آشين شي إذاجتني الصيحه
وَ أنا أهاوش أحد :( أحس ودي أمسك نفسي على جنب وأقولها يا حيوانه أصبري باقي كلمتين بقولها و بعدين صيحي :no: ي كثر ما تصير لي ههههههههه |
سامحك ربي هنا
يامرحبا يامرحبا وانا اقول ليش المنتدى زايد النور فيه اثاريك موجوده عساك دوم موجوده لك وحشه ياغاليه الله يسعدك واهم شي انك بخير ان شاء الله |
ياهلا ياهلا بـ شيخ الشباب
الله يسعدك يارب انشغلت مع العريس والعروس جايين نستغل هاليومين الي بيكونون فيه قبل يمشون والنور نوركم ي الغالي وانا اكثر والله هالمكان صار بيتي وراحتي ما اقدر استغني عنكم حتى لو انشغلت ادام الله هالصرح الجميل بمن فيه |
عندنا اليوم عشاء كبير للعريس والعروسه
راح يكون يوم متعب شوي لان الضيوف كثير من اهلنا واهل العروسه بحكم انها ماهي من عايلتنا بيكون يوم تعارف للعائلتين زين توني اخلص شغل وبنام وراح اقوم ع 3 عشان اتجهز بدري قبل وصول الضيوف . |
الله يبارك لكم جميعا
والله يعينكم على ماتقومون به وان شاء الله ايامكم كلها افراح لاتنقطع |
اللهم امين نهيان
تسلم والله على هالدعوه الجميله ربي يسعدك اضعافه ي الغالي |
اقتباس:
اتجهز بدري اها حلو والله ي الجوهره شي طيب انها كانت بالك طبعا لا احكي لكم صراحه اول من تجهز وخلص انا :( هههههههههه صراحه امس عشت فتره انهيار كلي اول ماصحيت وضيت وصليت حلو شفت ان يمدي ازيت شعري قبل ما اتسبح واتجهز هذا الساعه كم 3 وربع زيته وخليته ساعه ونص بس طبعا هذا الزيت كانه ماسك واول مره اجربه اخذته على مدح وحده من خواتي يعني ما جاء في بالي ولا واحد بالميه اني بروح فستين داهيه ههههههههه المهم بعد ساعه ونص غسلته الله وكيلكم مو راضي شعري ينظف من الزيت انا هنا خلاص منهاره واحاول اتماسك واختي وامي عندي يهدوني يعني خلاص كيف اطلع مستحيل اصلن اطلع للضيوف كذا وغير كذا الحل ايش مافي وتدور اختي بالنت ولقت وحده كاتبه ان الحناء يخفف من زيت الشعر واحط حناء لمده ساعه واغسله ولا راح لسى باقي زيت هنا انهرت جلست اصيح وحالتي حاله وتدق اختي صدفه تبي تسال شنو نبي قبل تجي لبيتنا وتقولها امي عني وان ماندري وش السواه قالت فيري خل تغسل شعرها فيه انا حسبالي تطقطق يعني وش فيري سلامات واقعد اصيح زياده وتحالف بالله ان صديقتها مثلي صار لها كذا وماراح الا بفيري بدا الامل بشويش يخيم علي وتركض اختي تجيب لي فيري واجرب الا فعلن راح حسيت الدنيا تضحك لي والحياه حلوه مو الي قبل شوي بغت تموت وسوت مناحه هههههههههه صح ان يوم طلعت ريحتي كلها فيري وما راحت الا يوم بخرت شعري وعطرته بس الحمدالله انها فرحت وطلعت للناس وسلمت وانبسطت معهم الي يستفاد لاتغيرين زيتك الي متعوده عليه واذا بتغيرينه على كلام احد جربي قبل المناسبه بشهر لاتصيرين مثلي ههههههههههههه طبعا يوم جتنا اختي خميتها من الفرحه لان لو مادقت وارسلها الله لي بهذاك الوقت كان انا بحال ما يعلم فيه الا الله الحمدالله ياربي ههههه |
متوجهين الان الى الجنوب مع ابوي
انا واختي الصغيره واخوي الي اصغر مني بسنه ابوي اجتماع اصدقائه هالسنه فـ ابها ولنا اسبوع نحن فوق راسه نبي نروح معه والحمدالله وافق طبعا من شروط الموافقه مانفتح فمنا ان نبي السوق وان شاء الله ينحذف الشرط اذا وصلنا ههههههه |
الحمدلله على السلامه
ومفروض تعطين اختك 1000ريال لانها انقذتك وبالنسبه للشروط اللي وافقتوا عليها مع ابوك لازم تطبقينها ولا تراني بتصل عليه وبقول رجعهم هههههههه |
اقتباس:
هههههههههههههه الله يسلمك يارب تستاهل والله بس خلها تقوم بالسلامه وتبشر بالخير ليش تضيق على اخيك المسلم ي نهيان هذي من ابسط سعاداتنا ي البنات ههههههههه ابشرك يوم راح اجتماع لخوياه عطانا السياره وقال روحوا لسوق اخوي يناظر ابوي بعين تكفى لا ههههههه |
| الساعة الآن 10:40 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd.