منتديات سكون القمر - يوميات ... شخصيه مستهدفه

وعدنا اليكم بعد الفاصل

بعد احلى نومه صحيت الصباح .. وحسيت نفسي نشيط ورحت للكورنيش اتمشى قبل لاتطلع الشمس
هدوء ونسمه بارد وصوت البحر صار نغمه ... احب استمتع بهيك أجواء

بعدها رجعت للفندق اخذت شور وافطرت .. وقلت خليني اشغل اوبر رغم انه يوم الجمعه
وانا بالسياره جاني طلب ... وقبل لا اقبل اشوف تقيمه عالي او منخفض

طلع تقيمه عالي 4.5 واقبل الطلب

مشيت لين وصلت الى حي العليا خلف مجمع الراشد واشوف البنات ياشرن قلت بس هم

اول وحده اركبت قالت بسرعه ي بنات شكيت بالوضع ويركبن ست الحسن والدلال

وانا من عادتي ارفع المرايه الاماميه الى فوق

ركبن واسمع وحد تقول هذا يراقبنا الله يأخذه وش يبي

وتكلمني انا قلت يمكن غلطان وانا استخدم ذكائي الخارق واخش من حاره الى حاره

الا الرجال ورنا وقفت عند االاشاره وهي تنزل الدريشه خير وش فيك تراقبنا ماتستحي ماعندك خوات ي كلب ي حمار .. وانا معطيها جوا يوم تكلم الرجال وانا انزل الدريشه

خير ي ابوي وش فيك مراقبنا عاد انا مخشن صوتي علشان ارخرشه هههههه

قال انت اوبر ... قلت وش تبي قال انا اسئلك قلت لا واسحب عليه وامشي

الا الرجال ورنا يالله وش يبي هذا وقفت السياره وانزل الا هو رجع ورائ بسيارته

ويمشى ورنا ويصور كمان ... انا عرفت انه راح يبلغ

اول ماجيبت مجمع الراشد الا الدوريه من الجهه الثانيه وقف انا موقف لان الاشاره حمره

وش سوى كان ورانا وطلع قدامنا واعتراضنا انا نزلت العسكري قال اثباتك عطيته

وقلت هذا يلاحقنا قال العسكري انت اوبر قلت نعم

قال للي بلغ شل سياراتك باي حق تعترضهم وياخذ اثباته ويشرشحه صفط جنب

وتجي 3 دوريات هذا مادري وش مبلغ علينا يقول محششين هههههه

قال العسكري من اللي معاك قلت بنات جاني طلب واخذتهم

طق الدريشه العسكري وتنزل الدريشه وياخذ اثباتههم وحده من البحرين

العسكري يقول هذا مريض تبون تفتحون محضر ولا تتنازلون قلت انا عني متنازل

واللي معي قالو من تنازلين مانبي مشاكل كتبنا المحضر واغلقنا القضيه وهذا اخذوه قال بيلطعونه 3 ساعات ويفكونه

وانا بمشي قال العسكري سو لهم خصم ههههههههههههه مالومه من شاف الزين قال الكلمه ذي قلت له تم

وصلتهم الى المكان وقلت مابغى منكم شيء بس رقم جوالك اذا تبون حاجه هههه امزح

هذي السالفه كلها مواقفي مع اوبر كثيره ورغم تقيمي عالي 4.8