سامحيني .. لوقسا قلبي عليك .. لو جرحتك ما ملا عيني سواك
عشت كل الحب والآمال فيك .. لو هجرتك متعة الدنيا لقاك

ابتديتك ياعيوني وانتهيك .. الله اللي يا بعد عمري عطاك
ما رضيت دمعة عيوني تشتكيك .. حتى ظلمك عندي اغلى من وفاك

بس عيبك تجرحين اللي يبيك .. يرتبط بك .. لا فقدك ولا لقاك
لي متى وسنين عمري ترتجيك؟ .. لي متى والشوق يركض بي وراك

ليه اجدد وعد ضيعته يديك .. ما يبرر حبي الطاغي خطاك
اعذريني .. ما منع قلبي يجيك .. غير خوفي تصدميني في هواك

سألت العين .. حبيبي فين .. سألت العين .. حبيبي فين
اجاب الدمع: راح منك!
حبيبك ما سأل عنك .. وخلى القلب في نارين

سهران .. اشكي للنجمه .. حبيبي كم كثر ظلمه
ولا يعطف بنظرة عين ..
سألت الليل .. والظلمه .. في قلبه ما لقيت رحمه
ولا جوب عليا الزين ..

اناجي الفجر والنسمه .. وقلبي ما كمل حلمه
ولا جوب عليا الزين ..
وضاع الضحك والبسمه .. وزاد القلب في غمه
وانا صابر على الجورين ..

باتصبر على صده .. ويمكن يفتكر وعده
ويبقى فرحنا فرحين ..
مضى عمري .. وانا بعده .. وقلبي يرتجي وعده
ودمعي جرح الخدين ..

سافري كان يرضيك السفر .. جربي لو ورا ليلي صباح
بدلي الرمل بأصداف البحر .. واتبعي الغيم تحملك الرياح

سافري لين تبكين المطر .. واضحكي لين ما يضيق البراح
لا تعبتي وحسيتي بضجر .. خلي الشوق لديارك جناح

ارجعي في ابتساماتك عذر .. مثل ما الدمع في عيني سماح
انتي العين من طول النظر .. وانتي القلب من كثر الجراح