|
الصـوره اللـي ( بجوالـي ) تعذبـنـي ............................ياكثـر ماجيـت ابمسحهـا .. واخليـهـا ياللي جفيت وجفـاك المـر .. ذابحنـي ............................عقبك وجيـه البشـر .. مانـي بدانيهـا من يوم حبك .. غزى القلـب وتملكنـي ............................قطعـت كـل العـلاقـات وطواريـهـا اقـرى رسايلـك ودموعـي تسابقـنـي ............................وارد ! واقرى الرسايل .. واحتفظ فيهـا انت آخر انسـان هاقـي منـه يصدمنـي ............................والظاهـر ان هقوتـي بانـت مواريـهـا لـو الوصايـا ليـا احتديـت ! تنفعنـي ............................ياكثـر نـاس ٍ علـى ذودي بوصيـهـا ليت الفـرح ( بنـك ) لاجيتـه يسلفنـي ............................واقاصده ( راحتـي ) وحقوقـه اوفيهـا من كثر ماكنـت ! جارحنـي وظالمنـي ............................قمت اعزل جروحـك بقلبـي واسميهـا ..! تـدري وش اللـي يبكينـي ويضحكنـي ............................انـك محـامـي قضيتـنـا وقاضيـهـا ..! تدري متاك ؟ تعـرف قـدري وتفقدنـي ............................لارخصت نفسك ,, لشخص ٍ مايراعيهـا { .. ؟ بكـره الا هملـوك الـنـاس تذكـرنـي ............................وتقول عـزاه : عينـي مـن يداريهـا.. ؟ مدام غيـري ؟ علـى قلبـك مشاركنـي ............................وش هـو لـه ؟ اعلـق الأمـال وابنيهـا يكفينـي انـك رحلـت ومنـت عايفنـي ............................هذا عـزا النفـس مـن كثـرة بلاويهـا اهديتك : دمـوع مـن طعنتـك تحرقنـي ............................وانـت اللـي تستاهـل الدنيـا ومافيهـا واهديتني جرح .. موجعني ؟ وعاجبني ؟ ............................لــن الهـدايـا عـلـى مقدارمهديـهـا صحيح ! ( حنا انتهينا ) .. بس صدقني !! ............................والله ان تبقى ( هوى روحـي ) وغاليهـا مفضوح ؟ راع الهيام .. ونظرته !! تغنـي ............................ملامحـه واضحـه ! , في وجهـه راعيهـا لكـل داء ٍ دوا .. لـو هــو متعبـنـي ............................إلا محبتـك ؟ .. أعيـت مـن يداويـهـا ان قلـت : علمنـي انسـى ؟ لاتعلمنـي ............................دنيـاي لامـن نسيتـك ويــش تاليـهـا فارقتنـي وضحكتـك عيـت تفارقـنـي ............................والله يـلـ ... ! ابــو الفـرقـا وطاريـهـا مقدر !! أفكر بغيرك ؟ .. وانت عارفنـي ............................عشان حاجه ؟ بقلبي .. مقدر !! أخفيهـا اخاف لاحبنـي غيـرك ؟ .. وعاشرنـي ............................يشوف صورتـك فـي عينـي ويوحيهـا نشدت عنك ؟ وسمعـت اللـي يفرحنـي ............................وارتاح صـدري مـن همـوم ٍ يحاتيهـا تبي تعرف ! وش ؟ على الفرقا مصبرني ............................انـك بخيـر .. وحياتـك مهتنـي فيهـا مـن يـوم ماغبـت ! والوحـده تعذبنـي ............................اقرى ( رسايلك ) في حرقـه والاحيهـا اشوف ( صورتك ) .. ودموعي تسابقني ............................وياكثـر ماجيـت أبمسحهـا ؟ وأخليهـا |
قصتي قِصَه مُفيـده وقِلتْ : أكتبْهَا بسطور ؛؛ ويا عسى مِن كانْ يقرى مِنَّهَا .. ياخِذ عِبَـر" مغفره وذنوب , والساعه بلا تُوبَـه تدور؛؛ السنه صَارتْ سَريعه حِيلْ , وأحْسِبْهَا شهـر" عِذتْ أنا مِنْ شَرْ خَناسٍ يوسْوسْ بالصدور؛؛ وما بكيت إلا لوجــه اللــه في ليلة قـدر" تِختصر مَعنى حياتِكْ كيف تبني لِكْ قصور؛؛ أحْتِــرم رايك ..وهذي تُعتبَـر " وجهَـة نظـر " زين طيِّب .. دام تِدري إنَّ لِكْ رَبٌ غفـور،، ليه ما صَلِّيتْ لَجله وما رفعت إيدك شكـر" حَدِّث العاقِلْ بمَا يُعقَل ..وفي قلبٍ جَسُـور؛؛ وإنْ خطيت بحق غيرك روح قدِّم له عـذر" رافِقْ الشخص المِثالي اللَّي لو تخطي .. يثـور؛؛ وإن سِمَعت إسْمَعْ مِنْ اللِّي تِلقى في صَمته " دُرر " وقبل تِسأل عَنْ حياتي وكِيف وجهي شَع نـور؛؛ خلْ كلامي لِكْ وصيَّه وخلْ بعد عِندكْ خبـر" ما نالْ في الدنيا أحَدْ يا سَائلي غير ( الصبور) ؛؛ والدليل إنِّي صِبرتْ .. وكانت أيامــي تمـر" لا تقول: الحَلْ إنِّكْ تِلقَى لِكْ,عاشِقْ غَيور؛؛ إنْ حَبِّتِكْ عِينه ترى .. ما حَبِّتِكْ .. عِين الدهـر " مِثلِكْ أوَّلْ كان حَالي وضِيقتي ونفس الشعـور؛؛ كِنت أقول : شمعنى قلبي في مشاريعَه خسـر" ما دريت إنَّ الغِيابْ أحيَان أفضَلْ .. مِنْ حضـور؛؛ لِين شِفت " الشمس " تشرق بعد ما يغيب ( القمر ) وما دريت إنَّ التواضُع كنز / ومَكرُوه الغروور؛؛ لِين شِفت إنَّ الغِنى .. في الآخِرَه مِثل الفقـر" كِنتْ غـافِلْ في حياتي وكِنتْ أجْهَلْهَا الأمور؛؛ لِينْ ربِّي له هدَاني .. وصِرتْ أدَوِّر لِي أجـر" لا تقول: أعيش يُومي دامي في عمر الزهور؛؛ منت ضامِنْ عُمركْ الباقي .. وقَطَّافْ الزهَـر" قبل لا تبدي الخطِيئه وتبْنِي لِذنوبك جسور؛؛ خافْ مِنْ ربِّكْ وفكِّـر في وعَد يُوم الحشـر" مَهْمَا كِنت إنسَان " راقي " وتعشِق أنواع البخور؛؛ التراب .. اللَّي يضمك .. بعد مُوتك .. والقبر !! ياما قالوا الناس : خايف وقلت : ما فيني قصور؛؛ بَسْ شِفتْ إنَّ الشَّجَاعَه مَعنى ثاني للخطـر" إيهـ خافْ وكُونْ سَالِم دام هالدنيا بحـور؛؛ والبحر مَهْمَا وفالِكْ طبعَـه ( غدار ) البحـر" وللشجر إن شفت هامه هذا مِنْ طيب الجذور؛؛ يعني أعمالك جذورك هذي هـي بالمختصر" القضيه: ما هِـي شخصٍ خالِفَـه شِرطي المرور؛؛ البشر في الدنيا هذي . . . صَار , ياكِلْهَا بشـر" |
قبل الوداع افهم وش اللي على البال وأسمع كــلامي وبين الأضلاع خله أدري عنيـده لكـــن إقبـال رجـال لـــي كلمتـي والحبل أعقده وأحله لاتحسبين إنكـ لاهجرتي بشكي الحـال أو أنتظـــر الرجعه لكـ الوقت كله تــرى تركك كما شــرب فنجــال كم واحدٍ يبينا وينتظرنا في محله وزبدة كلام الرجل يابنت وش قال كــل شــي يهـون ولاعيش المذله شــوفي الشجـر وشلون يبقى ولازال شفــه يمـــوت وباقي فيه ظله وكــانكـ زعلت اشرب من البحر والجال وكـانكـ رضيت دربي لازم تـدلـه |
|
فمآن الله يآخلي على ذكرآك آنآ بآقي
وَحَفْظَ الحبِّ في قلبي وبَسْقي له بأشوآقي وضيع ابْدفترَ احْلآمي ودوِّر حلم مشتآقي حلمته من ثلآثِ اسْنين عشته علمِ واحْسآسي ولآكن آشرقت شمس الفرآق و قمت من نومي صحيت ابْكلّيُ وْ لآكن آحسّ القلب بِحْلومي آحسه عايشِ ابْحلم/ن وخلآني معَ اهْمومي أسولف وافْضح الضيقه بعبره واحْبس انْفآسي وكل من حولِيْ مآ يدرون عن حآلي و محتآلي يِحَسْبون الفرح فيني .. وهمي يهدمِ اجبآلي ولآ جآء لي على جآلي وليفِ ابْطيف يختالي اضيع ابكلِّ أحلآمي و لآ ادْري ساسيُ وْ راسي اكلم نفسيُ وْ أَسمع صدى صوته بوجدآني ولا اسْمع من يكلمني وكني شخص وحداني ونادي الليل وحْلومي .. ابيه ابحلم يلقآني وذوق الحب من كاسه ويسكرني بلا كاسي ويحكي لي سوآليف الهوى وِ يْقولِ كلْ مآ فيه يقول اسمك على قلبي ترى مطبوع مآ يمحيه فرآقُ وْ بعد يآ خلي وفي قلبي ترى طآريه على الذكرى ترى باقي انا و الحب نبراسي وقلت الحب يا حبي مثل بحر/ن بلا شطآن يضيع النوخذه ابْدربه ولا له درب .. به حيران ونا في بحرك اتبحّر اهيم ابْشعرِ به وجدآن ولك هالشعر يا بعدي فصيح وكله المآسي // أتدري أنَّ للأحلآم في تفسيرها بحرُ به الربآن أنت الحلم بالأسحآر لي عطرُ وفيني العقل لا ينبئ عن الافكآر يتجرُّ من الذكرى بأحلآم/ن تريح الروح والنَّفسِ وتبكي العين تشقيها بدمع الشوق تنهالُ على خد/ن به الآثآر مجريها و تختالُ تقول اليوم ما زالت بي الاشجان تكتالُ كمآ الاحزآن في قلب السجين البآقِ في الحبسِ كمآ الأفكآر فوق الرأس تشقي الرأس بالذكرى كرهت الصحوَ والعينآن في وَطْئٍ كمآ الآسرى لجفن/ن هام في حلم/ن وفي حلم/ن بهآ أسرى فهل لي أن أرآك الآن في حلمي بلا يأسِ وأحكي من حكآيآ الشوق مآ يبكي ومآ يفرح وأروي قلبيَ الظمآن من وصل/ن لهُ يشرح فهل لي برهة/ن ألقآك في نومي وهل أشرح عن الاشوآق و الاشجآن في همس/ن وفي نبسِ |
شفت البحرلاضاق صدره .. على الفُلْك
............ نفسه شعوري لاجتك” لحظة الضعْف“..!! لاضاق صدرك ..اعتبرني مْـن آهَلْك ............ تعااال فضفض لي عن همومك .. وشف اصير لَك مثل السحابه .. وابلّلْك ............ مع ان جوفي من [ مطر ضيقتك ] .. جف ..!! ماكان قصدي إني .. بهمي اشغلْك ............ بس حولنا اشياء .. في قمممة السُخف ..!! المجتمع .. والظلم .. واني ماأوصلْك ............ تجبرني اخنق مُعظم .. انفاسي بـ :أُفّ !! من كثر ماعَرْفِك .. آحس اني آجهلْك ............ ياللي سكـوتك حد ذاته… تِفلسفّ ! تدري وش آحسك .. وآنا آتأملْك ............ طفلٍ مُهذّب جالس فـ أول الصف” تعاال نغفى في وسط ” دفترالسلك “ ............ تعاال نسمع .. همسة الرف .. للـرفّ ..!! تعال ننـ ( ـفـ) ـخ “شمعة الهم” … داخلْك ............ تعال نعطي “وجه الاحزان” ….كم كَف..!! تعااال نرسمنا على ..” جْدار منْزِلْك “..!! ............ تعااال نشطبنا من …” جروووح تنزفّ “..!! وان كان جيتك .. ذات ليله .. ابسألْك ............ عن حبل بُعدك : ليه في عِنْقِي إلتّـف ..؟! اضحك عليّ .. وقلّي : (معقووله اقتلْك)..!! ............ وآنا ابضحك لك .. واقول : [ ايييييه صرّف]..!! يا( حلم عمري ) وانت .. اقبَحْك اجمَلْك ............ عن عرقلة ركض الأحاسيس بي .. خفّ..!! وان كآن جيت من الوله ودّي آكلك !! ............ آصرخ علي وقلّي آحبك بـ [ عنف ].. ~ |
بشروه اني ابرحل من حياته ..." بشرووه وفرحوا فيني ذويه كفنوا جسمي بماضي ذكرياته ..." ادفنوني فالمكان اللي يبيه اطلبوا منه اذا خلص صلاته ..." فوق لحدي يحمله براحه يديه ولي وصل قبري وحقق له مناته...." يدفن انسانه تحبه تموت فيه علموه اني وربي من غلاته..." اعشق تراب مشت رجله عليه حلفوه يشد ويقوي ثباته..." لاينزل دمع يجرح له عينيه باكر بيندم ويصحى من سباته..." يحتضن قبري ويبكي يرتجيه يعتذر عن جرحه وظالم سواته..." معترف بالذنب لكن بعد ايه مايفيد الصوت دام الفوت فاته..." من خذاه الموت وش له يحتريه الزمن غادر وتطحنا رحاته..." ماصفا حاله على الدايم جذيه يستوي ويقووم ويلملم شتاته..." يبقى شامخ جلد صبار ونزيه اطلبوه يسمي وحده من بناته.." باسمي وطيفي مع بنته يجيه طمنوه اني مسامحته لذاته..." بشرووه ...الله يرضالي عليه وادفنووه بجنبي ان حانت وفاته..." جنب انسانه وربي تموت فيه |
يخسي قلبي ان كـان لاجلـك يذلنـي
الحب ماهـو مذلـة انسـان لانسـان ما انخلق بعده لي تحت رجلـه يحطنـي ولا انخلق ياللي عشانه نفسي تنهـان ظنيت فيك حب صادق شوق وتمنـي ظنيـت قلبـك كلـه مودة وحنـان ويـالاسـف خــاب فـيـك ظـنـي أثرك مـا تعـرف الحـب يـا فـلان اوهمتني بـه ونيتـك أصلا تذلنـي وانا عطيتك حب من خافـي الوجـدان توني عرفت انه حبي لك غلطه علمتني أفكر بعقلـي قبـل قلبـي والاعيـان يالله توكل .. روح ماعاد أمرك يهمني صرت يالمحبوب في صفحـة النكـران لا تظن في يوم احن لك ولا حبك يردني لا والذي سـواك مـا رد للـي كـان لاتذرف الدمع ولا تقول انـك تحبنـي عمر المحبة ماكانـت مذلـة وحقـران يخسي قلبي ان كـان لاجلـك يذلنـي نفسي عزيزة رافضـة فيـوم تنهـان |
تجرحه عبراته وكفه ظمها
-------------------------------------------------------------------------------- كن الليالي في دجاها موجعه----- تورد على قلب المعنى سمها تاخذ من اقصاه وتداعب ادمعه ---- تزعج نجومه لين يصبح همها حبه عذابه والحنايا مولعه ---- يسكن شرايينه ويشرب دمها يبطي وليله بالمواجيع يتبعه ---- يفرش هواجيسه تعب -- يلمها تعطف جفونه والنواظر تردعه ---- تجرحه عبراته وكفه ظمها يسري كمركب مايطيع الاشرعه ----لا عاف بحره ورياحه زمها باتت ظنونه صاحياتن تسمعه ---- ترقب خياله وين يبحر يمها يجني شجونه ثم ترجع تزرعه ---- للحزن يصبح وردة(ن)ماشمها الام صعبه تحتسيه وتبلعه ---- كنه دواها والمآسي فمها ذاك التعيس اللي حظوظه تصرعه ---- اتعس زمانه والثواني غمها عيت مقاديره من انها تنفعه ---- لوهي صفت له ماعجبه وذمها تبكي القصايد --- والمشاعر --- تصفعه والليله اللي باتها تصرخ بامها |
ألا ياشوق برسلك سؤالي
-------------------------------------------------------------------------------- أنا مليت من كثر التجاهل وكثر الصد سبب لي هبالي وأنا اليوم انقطع ماهو تكبر ولا فكرت به حتى فبالي تعرف إن بيني وبينك مودة مودة عمر... ياعمر حالي ومالي تضيعها بلا ذنب وسبايب وكيف تهون يازين القبالي ثلاث سنين في عهدك وودك حرام يضيع يازين الدلالي ولا له معك يالمجمول قيمه وقلبك للتحجر عنه مالي صبرت وصارلي فالصبر عله صبرت ولين طال الليل طالي فلا ياصاحبي ياكيف بصبر؟ وانا من سبتك ياوجد حالي الى ذعذع نسيم الغرب كنه يذكرني بشي(ن)قد مضالي يذكرني بشي فات واقفى وحالت دونه أيام وليالي ليالي ليتها تنعاد مرة تجدد مامضى ياهملالي ألا يازين جاوبني دخيلك ترى ماعاد لي صبر يطالي تذوقت المرارة دون تدري وأنا من عقبها ياعزتالي واذا عندك عذر عذرك قبلته وبنسى اللي حصل واللي جرالي ونفتح للقا صفحه جديده وبشرب معك من(((قرح الزلالي)))) |
| الساعة الآن 11:48 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.