|
خاطري مكسور .. دخيلك مابقى فيني محل فيه تتطعني .. تعبت أداري العالم وحزني داخلي محفور .. تعبت أسمع لشكواهم ولابه منهو يسمعني.. صبرت وقلت بتحمل ولكن ماهو بالمقدور .. أخبي دمعه طاحت على جفني تجرحني .. ابي ابكي ابي اصرخ بفجر من دموعي بحور .. لان الدنيا ضاقت بي وكثر الصمت يذبحني .. ابي احكي ابي اشكي بقول اللي ببالي يدور .. أبيهم كلهم يدرون وش اللي حيل محزني .. لي قلب امتلأ بالجرح وصار الحزن به معمور .. وصدر يشتعل نيران لهبها دوم يحرقني .. وهموم مالها آخر على راسي تجي بالدور .. وأمل ضايع وفرج صاير أناديله ويصد عني .. ألا يا وقت اضحك لي |
اعظم وجع (بالحب) لا صرت تشتاق ** * أعظم (وجع) بالحب لا صرت تشتاق لـاللي تحب ولا أنت قادر تشوفه ! يكويك "جمرٍ" داخل القلـب حـرّاق زود ٍعلى نـاره تهـدّك طيوفـه ! لا مرّ بعيونك كمـا نـوض بـرّاق مالـك مجـال إلاّ تسايـر ظروفـه ياصاحبي لو بينـي وبينـك آفـاق نفسي معك في كـل حالـة شغوفـه ما كنت "قبلك" خلف الإحساس أنساق وإن شفت درب الحب أسكت وأطوفه لين جاني منعطف سيـل الأشـواق بأمر الغرام اللي سطت بي سيوفـه قاومت لكن ! خافي الحب ماطـاق صابه صمود ٍ زلزل أجزاء خوفـه بغيت أردّه بس حسيـت بإخفـاق ! في لحظة ٍ"مـد" لـكفوفـك كفوفـه جا لك ولا كنت أحسب الحب دفـاق لين أغرق الخافق وسال بـنزوفـه أثْـر المحبـة نبضهـا دوم سـرّاق دمي وهو دمي بجسمـي تحوفـه !! حاولت أداري حب قلبي بـالأوراق وأثْر الورق ماهي أمينـة حروفـه سلّ المشاعر من متاهات الأعمـاق وأصبح يفسرّ كل وضـع بوصوفـه يكتب تقارير الغلا وقـت الإشـراق وعند المسا يعطيك باقـي كشوفـه يا"جامع" ٍ حنيّـة الكـون بأخـلاق معذور قلبـي لـو يضمـك بجوفـه.ْ~ .. ... |
http://imagecache.te3p.com/imgcache/...d3f2c76800.gif أبيك و ما أبي غيرك على كتفي تعال ونام أبيك ويشهد الباري ملكت أرض الغلا فيني أغيب أيام وارجع لك بشوقٍ يحتريك أعوام بعيد لكن بروحي سكنت وضمتك عيني ثلاث أيام من عمري كتب موته بعد ما قام ودمع العين يا ويلي يدق الباب ويلفيني أنا من رحت حلت بي هموم ٍعشتها واسقام ملت روحي يا روح الروح..حضنت الموت بيديني ملامح لهفتك تضوي سماي وقلبي لاأبد ما رام يا كود تمره بليله وتشعل باقي سنيني تزاحم في الحشا نبضي وتسكن في المنام أحلام تمنيت التقيك اليوم ومدري كان يمديني أنا لا قلت فمان الله أحس بخافقي سهام تزيد طعونها وتغرس ألم واحزان تكويني تقول اليوم تعال لي دخيلك عجل باقدام خطت فوق الثرى تنوي بعادي بس يكفيني دخيل الضمة واللمة (فديتك)(عمري) وانت الهام يحرك خافي أشواقي وبعد الموت يحييني طلبتك لا تغفي عينك على ليلٍ حلف ما ينام تراني يمك وحولك أسقي بك شراييني تصدق كل كلماتك حلا منثور وريح خزام تعطر خافقي ومعها أضيعها عناويني أحبك والغلا يشهد وحرف يشتعل واقلام تخط بحبرها أعذب قصيدة في دواويني http://www.bnt7.com/vb/images/abtsamat/uaeghostP16.gif http://www.youtube.com/watch?v=beTwj...eature=related |
عـزي لقـلـب ٍ صــار هـمـه مخـاويـه متعلـق(ن) .. لاهـوب شايـب ؟ ولا شـاب ؟ لاقــادر(ن) يـفـرح بـشــي ٍ يسـلـيـه ولا قـادر (ن) يلبـس علـى حـزنـه ثـيـاب راعـي الطمـوح يمـوت .. مـادرك مناويـه لاخاسـر(ن) حلمـه .. ولا كاسـب اعجـاب ! ولا ظفـر فـي شـي يحسـب لـه حسـاب ؟ اقسـى عـذاب ؟؟ .. يخلـي الرجـل يبكيـه عـذاب ! .. لكـن ! تتفـق فيـه الاسـبـاب لامن عشـق حاجـه ! ولاهيـب فـي يديـه لاصابـر(ن) منهـا ... ولا عنهـا تــاب ؟؟! الـحـر وافـــي مـايـخُـون بـراعـيـه حتـى لـو انـه ! .. دون راعيـه ينصـاب لاضـاعـت الهـقـوه تـمـوت المشـاريـه ماكنهـا الا ( ثـلـج ) فــي كـفـي و ذاب خطـاي ! .. عطيـت الشنـب حـق يوفيـه اليـن ! ماشفـت الـمـره ذلــت اشـنـاب وش عـذر ؟ مـن صـدق كــلام ٍ يغـذيـه لاصـار منهـو يدعـي الصـدق ؟ .. كـذاب علمـت نفسـي درس ! .. مانـي بناسـيـه ماقيـل لــي ولا حفظـتـه مــن كـتـاب |
فى ساعة العسره ياكثر اللى تناسونى http://www.almanar-1.com/vb/../up_ar...9v9net_039.gif http://dl.dropbox.com/u/38578372/iTe55854.png ما ابي هواهم ولو قامو ينادوني لي راي يبقى على العالم ومنهاجه عزيز نفس ولو هالنـــاس خلوني بعيش شامخ ولااقبل زيف هراجه اسج عنهم واداوي خافي طعوني واكتم ونيني واعرف شلون مخراجه صبري كتبني بحرفه ليت يقروني وعلاج روحي من الايام بعلاجه مانيب شاكي وبقهر من تحدوني العّز ذاتي وصبري مشعل سراجه وش عاد لوهم اذا اقفيت لاموني اصحاب حاجه مع الايام عادوني وخانو غلانا وطاعو ناس هلباجه |
http://www.m5zn.com/uploads2/2011/12...3a8ntbnhk7.gif مرات اضيق ولا يجي عيني انعآس مرات انا ابحر في محيط الكوابيس الوذ بالله عن حقود وخناس من شر انسه قبل شر الوساويس فيك اتعوذ يالولي خالق الناس في مرقد ماينعرف له تضاريس ياجنة الفردوس من دون حراس او بجهنم من عداد المحابيس يالله عطفك لاتساويت مع ساس تحت التراب وفي ظلام الدواعيس يالله لطفك من قدر يضرب الراس يكسر عمود المستوى والمقاييس وقت هل الطيب العلي فيه تنداس واهل الردى تصبح ملوك النواميس وقت يذلل من ضرب هامة الياس وبضربته نوخ ذلول الاحاسيس وقت ذليل ذلته دق الاجراس تصيح العروبة مامعاها متاريس وقت عسى منهو نظمها على قياس يموت ماشاف اندثار النواميس هذا سبب واضح ولا جاني نعاس هذا سبب خلا حياتي كوابيس |
يـا متعـب ٍ فـكـري .. ومتـعـب عيـونـي حلـل منامـي .. ودي انــام .. سـاعـه .. ! لا حــان نـومـي .. قلبتـنـي .. ظـنـونـي وأنـت السبـب .. وأقولهـا فـي قنـاعـه .. ! الليـل .. ونجـوم السمـاء .. مـا ارحمـونـي والصدر ضايـق مـن هبـوب .. التياعـه .. ! ياللي .. نويـت تعيـش .. هـ/ العمـر دونـي راجيك .. لا تكتـب .. لقلبـك .. ضياعـه .. ! أعيـونـك الحلـويـن .. لــو يرخـصـونـي ما ظنتـي .. يبقـى لهـا .. مـن شجاعـه .. ! تبكـي علـى .. طيفـي , وشكلـي , ولـونـي وتشتاق لي .. شوق " الفجر " .. للجماعـه .. ! واخـاف .. لحـظـات اللـقـاء .. يخذلـونـي والشوق .. يذبحنـي .. رجـاه .. وطباعـه .. ! قِــلّ للـغـلا .. واحلامـنـا .. يـعـذرونـي وقل للهوى .. " قصـة غلانـا " .. إشاعـه .. ! وحظوظـك اللـي .. بالزمـن .. مـا عطـونـي ما عـاد باقـي .. لـي معاهـا .. شفاعـه .. ! حاولـت أسايـرهـا .. وأسـآيـر .. طعـونـي واثري .. أعيش " سنين عمري " .. مجاعه .. ! الله يـكـون .. بـعـون قلـبـي .. وعـونـي وأقوى .. على فرقاك .. واكسر .. ذراعـه .. ! ياما .. تركـت النـاس .. وأرضـي .. وكونـي وارخصت لك .. عمري .. بوصل .. وقطاعه .. ! رحلـت لـك .. يــوم الـمـلا .. غربلـونـي رحـال .. وأنتـي .. والليالـي .. متاعـه .. ! حلمـي أداوي .. علـتـي .. يــا شجـونـي واسيـر لـك بالحـب .. سمـع ٍ وطـاعـه .. ! لـكـن طبـعـك .. والليـالـي .. جـفـونـي .... حتى .. زرعت .. الياس فينـي .. زراعـه .. ! .... والـيـوم قــل لـلـنـاس .. لا يسـألـونـي .... عن قلـب خليتـه .. بصـدرك .. وداعـه .. ! .... تـدري .. سهرتـك دون رغـبـة .. عيـونـي .... وأدري عيوني .. ما لهـا .. مـن مناعـه .. ! .... مجبـورة ٍ عيـنـي .. تـراعـي .. جفـونـي .... واسهر .. وحلمي .. " ارقد الليل " .. ساعه .. ! .... |
انشـــهــد حــالتــي صعــبــه طـلـبـتــك لاتخليـنـــي -------------------------------------------------------------------------------- انشـــهــد حــالتــي صعــبــه طـلـبـتــك لاتخليـنـــي عرفت أن العمر مره طلبتك حن لو مره أبي من دنيتك حاجه تقضي باقي سنيني أنا ضميان يا قلبي ترى محتاج لي نظره و شلي يمنعك قلي تخلي عينك بعيني أنا قلبي من غيابك تأكد ما قوا صبره و إذا صبرك يناسبني ترى محتاج له فيني حبيبك ضايع بهمك و قلبه كاره صدره أنشهد حالتي صعبه طلبتك لا تخليني أحبك و الله العالم غلاك بداخلي قدره أحبك ليت هالكلمه تجي منك و تحييني أحبك كثر ما تنظر عيون الناس بالقمره أحبك كثر ما تعشق عيون الناس تكفيني حبيبي يا بعد كل القصيد و يا بعد عمره عشانك أكتبه والله و غيرك ما هو يعنيني حبيبي لا طرى أسمك أحس تخنقني العبره من ضيقه و أحس عيني تدور شي في عيني حبيبي قلبي من بعدك أبد محد عرف سره يحاول يستر غيابك لجل محد يواسيني حبيبي ليلي من بعدك يسلي عيني بسهره يسولف عن غيابك لين شمس الصبح تضويني حبيبي والعمر مره أبيك تحن لو مره أبي من دنيتك حاجه تقضي باقي سنيني |
قالت وش أكثر شي يعجبك فيني قلت بصراحه كل ما فيك جذاب اسمك ورسمك والشعر والجبينى و عيونك و صوتك وخدك والاهداب قالت تبالغ قلت لا .. صدقينى ترى وصوفك ما بها شى ينعاب ما كنك الا الليل للعاشقينى و ما كنك الا الوصل ما بين الاقراب كلك على بعضك كذا تعجبينى و فى كل يوم فيك يزداد الاعجاب وشلون مدرى بس ذا شوف عينى و العين ماتنلام فى وصف الاحباب اجمل من النسرين والياسمينى و أصدق من احساس الوفا بين الاصحاب الله وش ها الزين يا نور عينى حتى القمر يومك طلعتى معه غاب يا كثر ما انتى بالغلا تملكينى و يا كثر مانى فى شراينك انساب و ياكثر ما جمعت لك فى يدينى ورد الجنان اللى على وجنتك ذاب يا شمس عمرى يا دفاى وحنينى جيتك حروف الحب وعيونك كتاب بالحيل احبك يا رجاوى سنينى وحبك فتح للعاطفه كل الابواب احساسى الصادق معك يحتوينى و احساسى لغيرك من الناس كذاب عمر الغرام ان طال بينك وبينى لا تسالينى يوم عن سر الاعجاب.. |
,’ ,’ ذكراه زارت هاجسي تطرق أبواب في مجلس افكـاري نوتها تعاليل وحط السهر مركاه مابين الاهداب وامسى يتقهوى من نعاسي فناجيل سهرت أهيجن للمساء شوق غيّاب راحوا كذا :من دون علم ومراسيل بعيوني الثكلا وطن وحشة أحباب بصدري مفارق ينتظر مطولك ليل تعبت اسافر داخلي رحلة غياب ضامي لقا محتاج رشفة مواصيل اتبع سراب الحلم حتى الرجا خاب وانا حسبت اني على ضفة النيل توي دريت اللي مضى حلم كذاب وتوي انتبهت !! ان الاماني تماثيل ياقلب قل للعاطفه تلبس حجاب مات الوصل ياقلب / لكن تساهيل |
| الساعة الآن 03:18 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd.