منتديات سكون القمر - جُنونُ وهذيّـآن .. سِحرٌ وإدمآن ..

ياخوي جعلك للبقا والمكاسيب
عمري بدونك يالذرا وش ابي به
ياخوي تسأل عن شفاك المراقيب
طلعه سواتك للنوايف غريبه
ليه المرض مايعرف الزين والعيب
مايدري انك للمخاليق هيبه
ابسألك وش به غزا راسك الشيب
والقلب لايع والنواظر حزينه
وش بك تحاتي لانوى الموت تغريب
تخشى علينا بالليالي الكئيبه
خذ دلتك واركى على مسند الجيب
وعطني شماغك بتلثم واحتمي به
ونروح لأرض بها العشب والطيب
ونسمع كلامن يالغلاء نحتفي به
ياخوي اختك لانحكى بتجاريب
كلن يشق لهيبه الصمت جيبه
ياخوي ماني من سوات المخاريب
اللي تجيب لعيله القوم خيبه
وماني من الي لامشت حفها الريب
انا من الي مايدنس حليبه
مرفوع شاني عن غرام المكاتيب
واكبر من انني ارتضي بالحبيبه
انا غرامي لابتدو بالتراحيب
نفوس الأوادم في وجودي رحيبه
وان كان زيـــــنــي فتنه للمصاويب
احط وجــــــــهــي بالحريق ولهـــيبه
زيـــنــي ابيعه وأشـــــــتـــري سمعه الطيب
اسمن ينومس بصروح الذهيبه
وان كان عندي بالحلا شيئ اصعيب
عندي جدود مارضت بالغليبه
دموع القبايل في لقانا مكاسيب
كن المقابر لاحضرنا قريبه
خضبت لك كفي من العز تخضيب
ورفعت راسي لنجوم الصعيبه
والله والله لأسدك بالفعول المصاليب
والله لأشيلك بالرخا والمصيبه
طلع المعالي مانحكم للشواريب
بنت واناطح فارس القوم طيبه
ويا عــــــزوتـــي ابشـــر لو تدور الدواليب
اختـــــــــــك الى منه عوى الذيب ذيبه