‏“لك في صدري حُب راقي مثلما
‏للنسيم الي على روضه ينود

‏وإن سألني الحاسد أحبك لِما
‏قلت خذ عيني وشوفه يالحسود”

صورتك عاشت في بالي
بسمة في عيون الليالي
فيها اتخيلك احلامي
والصور مرت .. وعدتني في غفله
التقيتك كنت احلى
والمنى صارت حقيقه .. لما شفتك

‏أختر اللي تبيه إمن العتب و الملام ،
‏صوتك يجوز في شتى الطرق والظروف
‏م…¤
‏بس بعرف منين تجيب بعض الكلام !
‏من مخارج عسل .. ولا مخارج حروف ؟

ياما ناديت الحظ، والحظ عيٌا
‏يمشي بمزاجه.ثم يعكر مزاجي
‏:
‏دام الأمل في صاحبي ماتهيأ
‏وعاندت ياحظي وانا فيك راجي
‏:
‏ياحظ عطني من وقتك شويٌا
‏أبيك في وصل الحبايب تفاجئ
‏:
‏الله على شوفة حبيبي هنيٌا
‏واشفي غليلي منه وكل احتياجي

ليه أحـــس إني وأنا اشوفــك حزين... وقــلبــي الـلـيـلــه بــهـــمــي ممتـلــي
كانهـــا الفــرقى طلبـــتك حـــاجتين ...لا تـــعــلــــمنــي ولا تـــكـــذب عـلــيّ
خـلنــي مــا بـــين شكــي والــيقيــن ...الــسـكــوت رضـــــاي عنــك وزعلــي

مامن جديد نقوله خلنا بس نعيد
‏المحبه عيون اهل الحسد صابته
‏:
‏يوم اني شديده وخبري انك شديد
‏ناطى خشم الغلا والرجل ماهابته
‏:
‏حتى الزمن في هوانا صار ضد عنيد
‏وحظنا اللي تعثر لعنبو لابته
‏:
‏ما بقى غير شعرن من فتافيت القصيد
‏ وحفنة اشواق غصت بالصدر كابته

لا جديد .. في الحياة وانت بعيد ..
لا جديد .. لا فرح لا يوم عيد ..
لهفتي صارت وله ..
والفراق باوله ..
كيف لو بكرة يزيد ..
لا جديد ..

آه ما احلا الليالي ..
وانت يا سيدي قبالي ..
شوفتك تسوى اللي راح ..
في العمر واللي بقى لي ..
يا عسى عمرك مديد ..
لا جديد ..

دامت اوراق السنين ..
خضرة وفقلبي حنين ..
الوفا لك راس مالي ..
مهما قالوا الحاسدين ..
يا هوى عمري الوحيد ..
لا جديد ..

أحس بك .. مافيه داعي أسألك
‏أنا لاشفت إنك بخير..أنا بخير
‏،
‏مهما حصل ترا الفلك نفس الفلك
‏غلاك يبقى لو يصير اللي يصير
‏،
‏في داخلك شرهة ملك على ملك
‏وفي داخلي بكية مثل بكية غَرير".

انا اللي بديتك عن ناسي وربعي .. واثاري حبي لك فيه ظلم يغريك
سقيتك الصافي من شهدي ونبعي .. وانت من الحنظل تسقيني بإيديك

دمعك قبل ينزل يجري انا دمعي .. وانا لي جيت اشكي دمعي يسليك
في دروبك امشي لأجل الرضا اسعي .. ما دام انا احبك وش حيلتي فيك