يمه .. يا يمه فديتك لا تخليني
بعثرني الهم و أبغي يديك تجمعني
يمه افهميني تراك إن ما فهمتيني
ما فيه شخصٍ بهالدنيا بيسمعني
ما عدت أنا طفلتك كبرت شوفيني
خليك يمي ترى الأطماع تتبعني
لا تدلليني .. أبي منك تدليني
و أبي يدينك تداعبني و تصفعني
ولا إنهد حيلي أبي عطفك يقوّيني
ياما كلامك على الشدات شجعني
و إن جيتك أبكي أبي منك اتهديني
ما بيك تبكين .. أبغى العقل ينفعني
يا مملكة عطف يا عطر الرياحيني
براثن الهم و الهوجاس تلسعني
بسمتك عندي إلى من ضقت تكفيني
و أرضاك عني عن الأحزان يرفعني
أسمى العلاقات تربط بينك و بيني
ياللي أحضانك إن ضاق الكون تاسعني
لك إحترام و حبي و الوفا .. فيني
و فيك أروع الحب ما يخطي و يخدعني

طالبك يالله انك تفرجها عبدك

رضيت بدبرة المولى وانا في عيشتي راضي
يقولون العرب صمتك ذهب لو الحكي فضـه
اعيش بصفحه الحاضر واجدد صفحه الماضي
.و نا مثل الشجاع الي يجول ولاصدق حضه
احاول قد ما اقدر واعرف ان العمر قاضـي
.واعالج لي ذراعن لوتعـداه الكسـر رضّـه
فهيم ولاكنن منهو يفهـم حضـرت القاضـي
ابعد لو ذكرت الـي يقولـون العمـر مضـه
حكيت وما حكيت الا بأدب واحسن الفاضـي
.ولاكن الذهب صمتي ولوكان الحكي فضـه