نجمة سهيل 04-10-2013 12:47 PM اسـالك بالله يا أبوي لاتـبكيني....   يابوي ليه تبكي كل ما شفتك وعينـك لـي ؛،؛ تخاف أموت يابوي ... وقبل الموت تبكيني تكفى يابوي لا تبكي وأنا موجود معك وحـي؛،؛ أجل بعد الرحيل أشلون في قبري توطينـي يابوي لو تموت الناس ماتسوىدموعـك ذي ؛،؛ وأنا يابوي ميت قبل أموت وأنـت محيينـي قسم بالله يابوي لجل عينك شربـت الغـي ؛،؛ جرعت الهم والحرمان وبحر الويل يسقينـي تحملت السنين اللي طوتني في عذابي طـي ؛،؛ وصار الجمر بكفوفي .. وتحت أقدام رجليني يابوي ماعلى عمري حسافه ولا بقا بي شي ؛،؛ ولكـن بطلبـك يابـوي تكفـى لا تخلينـي يابوي مابي غيرك يغسـل جثتـي بالمـي ؛،؛ وتكفى قبل لا أتكفن .. يابوي فكلـي عينـي بأمر الله يمكن ألمحك وأرحل في عيني ضي ؛،؛ وودع وجهك الطاهر مع دنيـاي وسنينـي وخل الناس تحملني وترفع راسي ورجلـي ؛،؛ وتأخذني على قبري وتكسب أجرهـا فينـي وأذا جيت القبر يا بوي نزلني شوي شـوي ؛،؛ ووجهنـي لبيـت الله .. وقبلـه المصلينـي وحط الطين وأدفني وعزاللي يعـزي فـي ؛،؛ ثلاث أيام يابـوي .. يواسـوك المعزينـي ورابع يوم يابوي تذكر .. ضحكتي وعني ؛،؛ تذكر وش كنت أقول يـوم أنـك تنادينـي تذكر يوم كنت أنام في ظل النخـل والفـي ؛،؛ تجي يمي تصب الما..على وجهي وتصحيني تذكر جرة الموال وصوت في حبالـه كـي ؛،؛ تذكر يوم أغني لك قصيدي وانت توحينـي تذكر ضحكتك لا قلتلك يابوي عشقي هـو ؛،؛ تذكر كم قصيدة خافيه مـا بينـك وبينـي تذكر كل شي كان وأذكر يـوم انـا حـي؛،؛ ولكـن أسالـك بالله يابـوي لا تبكيـنـي

عاشقة االقمر 04-10-2013 01:19 PM أبدَعْت و أمْتَعْت خيتي فمن سيصل لمكانه ابي حفظه الله تَحِية وتَقْدِير

صمت الرحيل 04-10-2013 09:03 PM أسعد الله أوقاتك دائماً تأخذنا كلماتك حيث النقاء رائعة بكل ماتحمل الكلمات من رقي لحرفك شموخه المتواصل سلمت يداك يا سيدة الرقي احترامي~

منصور 04-11-2013 06:04 AM عزف رائع وشاعرية تستحق الاشادة ننتظر المزيد من عذوبتك ونزف قلمك فلا تحرميننا من جديدك تحياتي اك ساره

نبض القلوب 04-11-2013 11:05 PM روعة راقت لي تستحقين تقييييم حروف رااائعه كـ روعتكـ ابدعتي وأكثر سلمت اناملك على هذا النثر المميز لاعدمناكـ لروحك آطيب التحآآآيا.. http://sl.glitter-graphics.net/pub/2...tq8eqjmx7o.gif

صآحبة آلفخآمهَ 04-17-2013 09:34 PM آلله يطول بعمركَ وبعمر عمي يآسآره .. لآجَديِد غٌير التَآلقْ بآلطرْحَ وآنتَقآءْ الأفضًل دوٌماً آشكَر ذآئْقتك اللتِي طآلمَا أمتعَتتنْآ بآجمملَ آلموآضيعَ وآروعهآ .. لا’حرْمنَآ الله هكْذا جًمآلْ ..

ســـــــــلطان زمانه 04-20-2013 06:33 AM الابوه نعمه من الله سبحانه وتعالى الله يحفظك لكم كل غالي ياسيدتي الاصيله طرحك مو قمة الروعه طرحك في الصميم ابدعتي يا تاج راسي اخوك سلطان زمانه ..

الساعة الآن 04:31 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

 ملاحظة: كل مايكتب في هذا المنتدى لا يعبر عن رأي إدارة الموقع أو الأعضاء بل يعبر عن رأي كاتبه فقط

دعم وتطوير نواف كلك غلا