حرف الزاي
زعلت عيوني

زعلت عليك ..حلفت تعوفك قالت عيوني مااريد اشوفك
اه منك القلب انجرح انت السبب والله ..خنت الهوى والعشره واتركتني بالاه
ارد ابجيك وارد اخليك تعرف الي وياك زين والي عليك
زعلت عليك
خنت الهوى والطيب يالروحي بيدك والي فضلته علي خليه يفيدك
باكر تحس بالندم باجر تذوق الاه الزمن خله القلب مثل الصخر والله
ارد ابجيك وارد اخليك تعرف الي وياك زين والي عليك ..زعلت عليك
منك ياروح الروح كلي شجان غير الالم والاه حصليت اني
دمعه على خدي عثرب لساني قلبك تركني وراح وماجاني
ارد ابجيك وارد اخليك تعرف الي وياك والي عليك ..زعلت عليك

حرف السين
سلطان

سلطان عالحلوين يأمر ويتأمــــــــــر
صح البشر حلوين بس أنت من سكر
خليك عالمستـــوى
خايف يمرني الهـــوا
عندي قلب مسكين
وبسرعه يتأثــــــــر

ساحرني يا عيني والرمش يا محلاه
أتمنى كل العمر لو بيدي أظل ويـــاه
أفدي له كل العمــــر
يأمر حبيبي يأمــــــر
سبحان من ســــواه
سبحان من صـــــور

سلطان ويجنن من فدوة لعيونــــــه
حيرني يهالناس خايف يحسدونــــه
يا أغلى كل النــــــاس
مليان حبه إحســـاس
محروس من كل عيــن
محروس من كل شـــر

شعلومه

شعلومه وينه الحلو من يومه متعبني ليه
حارمني نومت عيني وهو بسابع نومه
مشتاق له ومو داري مشتعله من الحب ناري
سهران انا مخليني حاير واعد نجومه

ملهوفه روحي عليه ما اعوفه اليوم ابد
وعيوني وده تشوفه من عنده ليه محرومه
مايصحه من احلامه وانا احترق قدامه
ليلي ابد ما نامه زادت عليه همومه

يفهمني ياريته بس يحضني محتاج له
بس ردته يسال عني ماعاتبه ولا لومه
لو يعرف الحب قلبه ماكان يترك حبه
هذا الذي عشق ذنبه تنطر دموع غيومه

شنو يعني

تقـلـي النـاس بايــعنــي .. ناسـك تجــي تسمعـنـي
كلـمة ورايـد أحجيـهـا .. متبيـــع وشــنـو يعنـــي
قابـل راح امـوت آنـي .. لـو راح أظل وحــدانــي
وقلــبي يصيـر يوجعنـي .. متبيـــع وشنــو يعنـــي

فضـل من عنــدي حبيـتك .. بـعــت الدنيــا وشـتـريتـك
عـرفتك مو على نيـتك .. هســة شـلون تمنعـنـي
أصـلأً انـي ماريدك .. دور شــوف الـي يـفيـدك
مـني ألــيوم ودعنــي .. متبيــع وشــنـو يعنــــي

يكفـــي ألـــي شـفتـا من عنــدك .. وروح وربــي ألـي يسعــدك
كــرهـت الحــب من بعــدك .. وقلــبي فيـك يطاوعنـــي
نادم ع الــي خسـرتا ويــاي .. مـو بـاكـر اليـوم أنسـاك
ولاتفــكر ترجعنــي .. متبيــع وشــنو يعنـــــي

حرف الصاد
صرت اشوف الدنيا
صرت اشوف الدنيا بعيونك
واصبحت ما اعيش من دونك
من عرفتك انت تهواني
صار للدنيا طعم ثاني
اشلون لو عني يبعدونك
اشعر براحه اذا مني قريب
واذا ما اشوفك احس مثل الغريب
كلي اذوب بلمسة كفوفك
وعندي اجمل يوم اذا اشوفك
قلبي يالمحبوب مجنونك
ياحبيبي الروح مجنونة بهواك
قلبي مثل الطير طاير بسماك
ياحبيبي ويا اعز ناسي
انت وحدك مالك احساسي
ياللي لون الورد من لونك

سلمت يدآك على روعة الطرح
وسلم لنآ ذوقك الراقي على جمال الاختيار
لك ولحضورك الجميل كل الشكر والتقدير
اسأل البآري لك سعآدة دائمة
تحياتي

شكرا للاختيار الرائع