منتديات سكون القمر - والبلا ان حب رجال ثقيل ينسى من حوله ويسمع مذهله

منتديات سكون القمر (https://www.skoon-elqmar.com/vb//index.php)

- ۩۞۩{ الشعر والقصائد}۩۞۩ (https://www.skoon-elqmar.com/vb//forumdisplay.php?f=137)

- - والبلا ان حب رجال ثقيل ينسى من حوله ويسمع مذهله (https://www.skoon-elqmar.com/vb//showthread.php?t=182568)

والبلا ان حب رجال ثقيل ينسى من حوله ويسمع مذهله

قول عادي ..
بالي الليله طويل ..
شوف لك عذر قديم / وأقبله !!

لا تحاتي
قلبي متعوّد يشيل :
( الجروح ) اللي تجي له مقبله

" طيبتي " صارت مثل ( كف البخيل )
أيّ شي طايح .. تشوفه ؟ تحمله

و " عزّتي " تقدر تسمّيها : النخيل
لأني شامخ .. والعواصف قاتله
وعادي جدا .. إنّي الليله ( عليل ) ..
الحزن : يحسبني واحد من هله !!

ومو غريبه .. لو تمنّيت الرحيل
البقاء أحيان , يعني .. البهذله !!

في غيابك .. ما لها الضيقه مثيل ..!
وربّي اللّي .. ما يشاءه , يفعله

من يلاقي ل دنيتي هذي بديل ..؟
خل يجيني أي شخص .. أبدّله

وعيب راسي لا بغى شي " مستحيل "
يوصله مو طيب .. غصب يوصله

ليه راجع ؟!
ليه ذاكر ..؟
ي الأصيل ..؟؟
إنت ضايق .. ؟!
في خطأ بالمسأله !!

وليه تبكي من كلامي ي الدخيل ..؟
المشاعر .. ما لها بقلبك صله ؟!

و( البلا ) .. إن حب رجال " ثقيل "
ينسى من حوله ويسمع ( مذهله ) !!

من عرفتك .. ما بقى ب اليد .. حيل
ولو بكيفي ..؟ [ قلبي ] محد يدخله

ومن عرفتك .. حظّي العاثر يميل ..
أعترف لك إنّي ( عاجز ) أعدله !!

فاقد الإحساس / ما يعطي القليل
وإن عطيته إحساس قلبك ؟ يقتله !!

إيه ب أرحل والطريق أدري .. طويل ..
مشكله " قربك " .. وبعدك مشكله ..

وإن خذاني الموت إترك قال وقيل ..
قول ه الجمله .. وخطاك محلّله :

[ ربّي إلهم أهله الصبر الجميل
وإرحمه يا رب وإحسن مدخله ]

للرآئع : آحمد الصآنع البلا رجال " ثقيل "

الجميلة سامحك ربي

أبدعتي بنور المعاني وعذب الشعر
شكرا على هذا النقل المتميز
اختياراتك قمة الذوق
نص مدهش جدا لهذا الشاعر الأنيق
تواصلك راقي وحضورك مميز
دمتي بهذا الالق يا أنيقة
لكي من اعطر التحايا والحب

حلوة المبسم

اهلاً بك وبعطرك الفاتن بين سطوري
كلي امتنان يصافح كفيك
لكِ كل الحب

صح الله السان قايلها وناقلها

سامحك ربي

سلمتي على اختيارك الراقي
يعطيك العافيه ياغاليه
ننتظرجديدك بكل شوق فلاتبخلي
دمتي للابداع والتميز عنوان
وبسعاده لاتفارقك ماحييتي

سلمت الانامل الذهبيه
لما خطته لنا من عبارات
وحروف قمه في الجمال
وروعة الاحساس الصادق
تحياتي لك