|
شكثر تحبني .؟!
شكثر تحبني .؟! قول لي ... اللي يدق بصدري هو قلبي أو قلبك هي أنفاسي من تعبيه وتترسه حياة أو أنفاسك اللي أحسه الحين هو دفاي أو دفاك تدري إن الكلام معاك غير .. والضحكة لها معنى ثاني آنا قلت لك أني بوجودك أصير أحلى والدنيا هذي كلها بعيوني أنا تحلى لا تقول لي أبالغ واستمتع بلحظة غزل ممكن ما تدوم تعتقد بتمر علينا لحظة أجمل من الحين خلني أتنهد ... . . . . . أبي ريحتك و إحساسي بقربك يملاني أبي أغمض عيوني وما أحس بشي ثاني جربت تستشعر وجودي من غير ما تلمسني تعرف شكثر هالشعور يعفسني ليش تطالعني هالشكل من ورا رموشك ليش نظرتك صارت كلها غرور تأثيرك علي عاجبك ..... صح ؟ يرضيك ....و يرضي كل غرور الرجل فيك تعرف تدللني .... تعرف تخليني أنا طفلة بحضنك تقدر تخليني أبوس راسك وألمك تقدر تعلمني شلون أخبر الحياة وشلون أقدر أعدي بحورها من غير ما أغرق تقدر تكون جنبي حتى لو ماكنت أنا جنبك تعرف في كل لحظة شكثر قلبي بزيادة يحبك تذكر فستآني الوردي تذكر شكثر عجبك .. و شكثر تحليت علي وآنا أتمايل واختال وآنا لابسته تذكر إحساسك بشكثر خصري نحل من فراقك قلت لك أحلى ردك لازال يطربني " عليك إنتي يالزينه كل شي يحلى " ولين ذكرت ... قلبي يشتاقك أكثر ...وأكثر تذكر كيف التقينا ... ولحظة تلاقت عيونا كيف حسينا تذكر ردة فعلي ... لا تضحك ترى ما أنلام ... حسيت بشي ما أقدر أوصفه بالكلام إنت تبيني ... قولها لي بهمس إحساسي فيها يخليني أنسى باكر واليوم وأمس ويصير الوقت ماله معني يوقف عند كلمة "أبيك " تذكر شلون علمتني اقط الخيط حسيت شكثر كنت ارتعش من لمسة ايدينك يااااه .... جنه أمس .. رعشتي ما غابت عني لازلت أحسها كل ماكنت يمي ومعاي حتى قلبي يرتجف ما يدق أحس فيه يرفرف مثل الطير الصغير ... وده يفر ويجي لك تعرف شنو إحساسي لما اخش وجهي بصدرك كل الأمان يا ............. كل الأمان وجاي تسألني بعد هذا شكثر أحبك ترى أنا قلت ... وصلك المعنى ؟؟؟؟ إنت الحين قول ... أبي أعرف إنت....... شكثر تحبني ؟ |
الله الله
روعة ولا اجمل يا راقي شكرا لكل تلك الاناقة التي تحملها لنا تقديري وكل شكري |
طرح مميز فريد وراقي
شكرا لما قدمته لنا من جمالية وكلمات رائعة انت للابداع عنوان باختيارك الجميل |
مساءوصباح بطعم التوت
اطراءكم هنا جعل للحرف نكهة اخرى اكثر جمالا شعوركم بالحرف وصدق احساسكم منحني الكثير ومروركم كان بلون العطر والصفاء هذا حرفي وهذا قلمي يحملون لكم كل عبق الورد شاكر لكم هذه البصمه الجميله التي تركتموها على متصفحي كلماتكم فاضلتي اخذت من الراس منزلها ومن العين قدرها تحيتي مملؤه بالعطر اسوقها اليكم على جناح الغيم الماطر |
لغتك وارفة وأبجديتك ندية الوقع على النفس دمت بألف خير |
مساءوصباح بطعم التوت
اطراءكم هنا جعل للحرف نكهة اخرى اكثر جمالا شعوركم بالحرف وصدق احساسكم منحني الكثير ومروركم كان بلون العطر والصفاء هذا حرفي وهذا قلمي يحملون لكم كل عبق الورد شاكر لكم هذه البصمه الجميله التي تركتموها على متصفحي كلماتكم فاضلتي اخذت من الراس منزلها ومن العين قدرها تحيتي مملؤه بالعطر اسوقها اليكم على جناح الغيم الماطر |
هلا وغلا
اخى الحبيب المبدع عديل الروح حَضَرتَ وحضرت مهابة الحرف صح بوحك وروحك ودي وبتلات دوريندااااااااااا يسلمواااااااااااااااااااااا :1666ed: القيصر العاشق البـــــــــــ مديح ال قطب ــــــــــــرنس |
أتمنى أن تصدقو قلبي و قلمي عندما أقول أن
مرور طيفكم الراقي يرسم الابتسامة على وجهي أشكركم لحضوركم الجميل لكل جديدي و لردودكم الرقيقة التي تزيد حروفي وكلماتي جمالا ساحرا و عبيرا ورديا دمتم بكل الحب والخير في كل لحظاتكم الجميلة تشكراتي و احتراماتي |
| الساعة الآن 05:15 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd.