منتديات سكون القمر - أنا ليلي سهرته والعرب كّله ينامونه

أنا ليلي سهرته والعرب كّله ينامونه
سهرت أجاذب الوّنات كّني ماسكٍ جمره

سبب فرقى حبيبٍٍ فيه نفسي حيل مفتونه
فتني طيب أوصافه ولأّنه يوفي العشره

حبيبي لانظرلي نظرةٍ من نظرة عيونه
يصوّب لي سهام الموت لامن لد لي نظره

عيونه ناعساتٍ دعج فيها السحر بفنونه
تشادي عين قرناسٍٍ أبد ماضاع له سبره

ظلام اول ليالي الشهر شفته معتلي امتونه
وفي خدّّه أشوف النور بدرٍٍ في نصف شهره

وإلامنه حكى خلّي حكى كلمات موزونه
ويخلطها بحالي الشهد إلامنه حكى ثغره

وشفت اللولو المصفوف في مبسمه يالونه
بياضٍ باهرٍ في شفةٍ والله محمره

وعلى السرجوف ثوبٍ ضيقٍ بالوان يزهونه
ومن ضيقه ترى زم النهود اللي وسط صدره

بني جيله اذا شافوه اخاف انهم يحسودنه
فديته لو يصيبه شي يموت القلب من قهره

ولو يجمع جمال الكون خلي مايساوونه
جمال الكون قدم عيون خلي مايجي قطره

وكل هموم صدري تجتمع لاغاب مقرونه
مع الهاجوس والضيقه بوسط الصدر منحشره

ولو طوّل غيابه حالفٍ والله ماخونه
أبنتظره ولو غاب الدهر والله لأنتظره