عساف الخيول 10-01-2012 12:43 AM حتى ثمر قلبي تدلى قبل ياتي موسمه   هذا ثمر قلبي تدلى قبل .. يأتي موسمه مدي يدينك واجمعي فرقاك من عذق العتب أنا ثملت من الفراق اللي خذا وجهي سمه شوفي ملامح غيبتك تقرا قبل لاتنكتب في وجهي الشاحب وفي آهات صدري ونسمه .في ناضر عيون ٍ هميل الوجد منها ينسكب يا نور لحظات ٍ غدت من دون وجهك معتمه وينك؟بدا هذا الحنين بجوف صدري يحتطب ياحب ٍ إجتاح الضلوع وفج قلبي وقسمه: نصفي ن..وأزريت اجمع النصفين وغيابك سبب! حب ٍ بقى لو واقعه مره بحاليه.. صدمه عشق ٍ حيا رغم العطش في روض روحي معتشب ليت الغلا ذنب ٍ تجناه الخفوق ويندمه وليت الصبر جرم ٍ اليا طاولت همي يرتكب! إلى متى وأنا اهين الوقت وأرجع واحشمه وأنا على رجم الوصال اشرف.. وأنادي.. وأرتقب ياأم العيون الفاترات الناجلات المغرمه يا من رموش عيونها تشكي سبب عكش الهدب يامبسم ٍ له ضحكة ٍ تنطق بشي ٍ تبهمه يانبرة ٍ لامن حكت كل المعاني تنقلب ياللي خذيتي خافقي قبل اعرفك واقدمة ياللي غيابك لحن ٍ تغنيبه أعواد القصب عودي على قلب ٍ طواه الهم والشوق هزمه قل ب ٍ معك غنايمه ضاعت ولاادري وش كسب؟ أنا انتهيت وشوقي بصدري بدت له همهمه جمر انتظاري سَمدت ناره وانا صرت الحطب حتى ثمر قلبي تدلى قبل ياتي موسمه هز ي طرف جذعه تساقط لك من عذوقه عتب!

نجمة سهيل 10-01-2012 02:32 AM كلمات ليس لها منافس وحروف تلامس قمم الجبال وتعانق هام السحاب والثناء يقصر عندزواياه ففيها كل الثناء والجمال لا نخلا ولا نعدم من ابداعك

الساعة الآن 03:20 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

 ملاحظة: كل مايكتب في هذا المنتدى لا يعبر عن رأي إدارة الموقع أو الأعضاء بل يعبر عن رأي كاتبه فقط

دعم وتطوير نواف كلك غلا