منتديات سكون القمر - الذنب في وصل حبك

الذنـب فـي وصـل حبـك ..

الذنب في وصل حبك ذنب غير الذنوب
ياأحلى ذنوب الحياه اللي بنآ مذنبه

يانور شمس الغلا لاتغيب شين الغروب
سنا جبينك تعبت احايله وارقبه

تعال واشرب هوى الانفاس من كل صوب
وعطني هوى انفاسك المجنون آبغى أشربه

آبيك !! وآبغى آحترق بك وآحترق لين أذوب
واللي من الشوق في صدرك لِ صدري جبه

سكت واخفيت حبك يَ الصدوق الكذوب
ودسيت دمع آشتيآقي قبل مَ أسكبه

تقول تكفى لحد يدري وأنآ بك يآدوب
أموت من كلمتك والموت يَ مقربه

ذبحتني بِ السجآبا البيض وأطهر دروب
مافيك عذروبٍ لجل آجيك وآعذربه

حبي لِ شخصك لضى ويشب شوقي شبوب
والغيره تحط ضلعان الغرام آحطبه

لا يَ ممات المشاعر وآنكسآر القلوب
مآهوب انا اللي تحسب الحزن عذبه

الله خلقني شاعر وحكيي محسوب
وقلبي مع الوقت مابيني وبينه شبه

وإن كان حزني ملا وجهي بغيه شحوب
فَ يسامح الله من جروحي غدت بِ سببه

شآعرك يَ ملهمي صب الأحآسيس كوب
ونمى بحبك مشاعر تنتظر موهبه

أعجبتني وآشربك الإعجاب فيني شروب
مع إنه يقول محدنٍ فِ البشر يعجبه

طفولتك والبراءه يَ الغزال اللعوب
تلت معاليق ذوقي وقدرت تنهبه

وكلامك الموت يشمل بي ويجنب جنوب
وآفز لامن حكيت السالفه وانتبه

كني على رجم شوق وكل ضحكه هبوب
وسوالف البرد في حضن الدفا تسكبه

ياصاحبي لابغيت الوصل دجت الدروب
ابوصلك لو على لقياك قطع رقبه

مادامي اذنبت حبك جعلني ما أتوب
يَ أحلى ذنوب الحياه اللي بنا مذنبه