منتديات سكون القمر - البارحه عديت بأعلى المراقيب

http://www.x-44.com/vb/image.php?u=2...ine=1346437410

البارحه عديت بأعلى المرااااااقيب

البارحـه عديـت بأعلـى المراقيـب

مرقـاب غيـن ماذكـر مـن رقابـه

ماقدمـي الا جـرة الطيـر والذيـب

واللا البشـر مافيـه حيـن وطابـه

أرقب على وديـان وجبـال وشعيـب

وأسمع صدى صوتي بصوت الذيابـه

برد ومطر وخيـال جالـه مناصيـب

دفاي برقـه وأرتـوي مـن سحابـه

راحت بي فكـاري شمالـن بتغريـب

والماضي اللـي فـات فكيـت بابـه

وين أنت يامشكاي شوق الرعابيـب

ياشوق من ترسم بيدهـا الخضابـه

فالوقت عشت أيـام فيهـا تعاجيـب

ولاطـال ليلـي هـم قلبـي سرابـه

عفت الجلوس وعفت صاف المشاريب

يومن وسط الصـدر مثـل الحرابـه

أنا أتحرى الطيب من راعـي الطيـب

اللي كسب طيبـه مـن أول شبابـه

مـن يمكـم ماعـاد جتنـا مكاتيـب

وأنا أتحـرى مـن طرفـك الكتابـه

ياصاحبي وقتن مضا ماهـو صعيـب

ودي بسجـات الـقـدم والدعـابـه

إليا تخاوى الجيب مع راعي الجيـب

وخويهـم طـاروق الأبيـات جابـه

صوت كفراته حنـة الشمـخ النيـب

اليا إستوى مـع خـط ثـم إنحنابـه

على طرف عدن من المرتـع تعيـب

ومـن الظمـا حنينهـا بـه تشابـه

إنكانه أسقاهـا عطيـب المظاريـب

لابـد ماترتـع بـهـاك الشعـابـه

تطيب لو تـال الدلـو بـه حثاريـب

وتعـود يممـه ويتصففـى شرابـه

منته من اللي مـره يشـاف ويغيـب

وإن شيف ما أحدن ينشده عن غيابه

وصفت باللي فات حـرش العراقيـب

ولافيـه يامشكـاي غيـرك درابــه

رسالتـن بيـن الظلـوع المحاديـب

سؤال وأبـي مـن طرفـك الإجابـه