مدري خلل وإلا خجل أو هو الخوف

. . . . . . ان جيت عنده أرتبك في كـــــلامي

وان رحت جدواي الحسايف مع الأوف

. . . . . . الثالثه تحصل ولأدري عـــــــلامي

أو السبب عكش الهدب كنّها سيوف

. . . . . . ان ناظرت يمّي تفكّ اعتصـــــامي

أقبِل وفي راسي مزامير ودفوف

. . . . . . أبي أقول وكن دونه محـــــــــامي

أمامها عاقل وذا رحت ملقوف

. . . . . . أمامها ماقلت غير الســــــــلامي

ماينفع إتصال ماتنفع ظروف

. . . . . . كل الـرسائل ماتحقـق مـــــرامي

أبي عيوني ترتوي منه وأتشوف

. . . . . .لوهي دقائق بس أشوفه أمـــامي