أخآف يحن الصوت لأيآم الحكي والثرثره ,
وأنآ مَ عآد في صدري كلآم يطيع نبرآتي ..

يآخذني الحنين لموآني الرآحلين ومجبره ,
أطيع شوره ولو شوره يطفي كل شمعآتي ..

أخآف أستوحد بحزني , ويكويني بـ صلآ جمره ,
وأخآف أكتب وتآخذني حروفي لآخر أموآتي ..

يَ آخر أموآتي تعآلي وجمّعي هـ البعثره ,
يمكن يدينك لـ انتهت تقدر تلملم لي شتآتي ..

تعآلي , وأنآ عشآن مَ أخآفك بـ حط المنظره ,
بشوف وجهي قليل , وبشوف كثير سآعآتي ..

وإذآ حآن الودآع , قولي لي كلآم أستشعره ,
خليه يقدح بـ الصميم , وعدّي كل عثرآتي ..

وعلميني .. أنآ ضحيّة صمت , ولآ ثرثره
أنآ لآ جيت أبكتبني أتوه بـ كل صفحآتي ,

أجهلني , وأميزني , وأقرآ كلآمي , وأحقره ..
وأشقق أورآقي ويصدح صوتي الشآحب بـ ذآتي !

أنآ , من هي أنآ , وأخنق سؤآلي وأحشره ,
ولآ ألآقي لي جوآب , يدآوي حرّ علآتي ..

علميني , أنآ ضحيه صمت , ولآ ثرثره
أبي لآ جيت أبكتبني , أقرآني بـ صفحآتي ..