ياسايق الفنجال يامدرج الكيف
ياللي لذيذ البن الاشقر تسوقه
نصه لمنهو يحتزم فالمواقيف
اللي علوم الطيب دايم تشوقه
قرمن كريمن عادته يكرم الضيف
للطيب والناموس نفسه تسوقه
كفو كفـو ومايبي زود تعريف
طبع الشهامه والوفاء في عروقه
من روس قوم فاللقاء ترفع السيف
والخصم في وقت الملاقى تعوقه
المجد حازوا له وزادوه تشريف
باعو وشريو من مثامين سوقه
قومٍ رقوا بالعز روس المشاريف
أهل الوفاء والجار تحفظ حقوقه ..