طفلتي / ..خليني الغآفي على صدرك ... سنين
ايه ابشرب من عيونك ... ملح واحلآم وأماني



افترقنا العام ... مثل الوقت هذا ... تذكرين؟!
يوم اجيب ايديني تسولف ... وانا (أنا) نساني



جيت اغطي كل حرف ٍ بي /...تعرّت كلمتين
جيت ابـ اندهلك..تعثـّر في طرف إسمك .. لساني !


يوم أفتح شُرفة الغيمة ... واشوفك تضحكين
انزوي ...كلي على بعضي.... صباحآت وأغآني


صرت أشبه ...في عيون الرآحلين/الراحلين
كلما ضيّعت منّي ..... رحت ادوّربي مكاني



ليه هدمّتي حدود الأرض ...وانتي ترحلين ؟
ليه خفتي خطوة التخمين .... والمشوار "جاني" ؟!



كنت اشبّ انفاس صدري ... يآتجين او مآ تجين !
وآتناثر فـ الشوارع ... فـ الدفاتر... فـ المباني



كلما خدرّت.. برد الدرب ..جيتي تجمعين:
ما تكسّر من دفآي ..... وما تيسّر من حنآني



وإن سألت التين والتفاح ... والغصن الحزين
عن عناقيدك توارى ./... لين رمّاني رمَــاني


مثل طفل ٍ قام يبني لـ البحر ..... احلآم طين
مادرى وش كثر تعطي الملح ...أطرآف المواني !



طفلتي .... خليني الغافي على صدر الحنين
ماضميت إلا امان .... ولا شربت الا امآني



كم قطفتك من زوايا الشعر ...نبت ويآسمين
قرّبي خليني ازرع ..... بين احضآنك مكاني !