بروح ولا انت مـــــاتقدر على الروحه

ودعتك الله قـــــبل لا قــــــربي تمـله

النفس اهون عليهـــــا تكون مذبوحه

ولا تجــــي لـــــك عشان الـحب منذله

الا بهـــــذي ابد مـــــــــــاهيب مسموحه



بتروح هذا الجفـــــــــــا تبخصه وتدله

لكن تأكد ترى الروحه هي الروحه

ماعــــــاد فيني شبر تطعنـــــــــه وتعله

الــي تشوفه جسد واقف على جروحه



العام قلبـي حضنك و عشت في ظله

سلمت روحك بــــديه و سلمك روحه



واليوم واقف بوجهــــي وسيفك تسله

الله يذكر زمـــــــــان الحب و صروحه



خــــــــلاص مــــــاكل مره بدمح الزله

اليــــــــــــا متى بعتبر زلتك مدموحه



ان رحت بلقـــا بدالك من يجي كله

مـــــاني انا اللي تروح و يجلس بروحه



ذكرتني في بيت مـــــاهو لي لا والله

للعود لــــكن احسه يقصدك بوحه



هذا الجفـــــا وانت ابخص فيه وتدله

بروح ولا انت مـــــاتقدر على الروحه