يهز غصن الرجـا نسنـاس
وأجمع لك الدمع مـن خـدّه

مرات أحس بتعب و إعماس
يعـاود البـال مـن مــدّه

لا باس يا خاطري لا بـاس
السيف مـا يجرحـه حـدّه

والقلب لولا عليـه أقـواس
لا فـز بعروقـه أتـصـدّه

يمديـه لا هـزه الهوجـاس
يشقـق الـصـدر ويـقـدّه

لي صاحبٍ ناعـمٍ حسـاس
أغلـيـه بالـحـيـل وأودّه

في عيونه .. عيونه النّـعاس
يبنـي لـي الشـوق و يـهـدّه

والظبي والليـل والقرنّـاس
ومـا لا أقـدر أحصيـه وأعـدّه

يقول لي في حشاه إحسـاس
مانيـب كـبـره ولا قــدّه

ويقول أحبك وأحـس بيـاس
والأمر ماهـوب فـي يـدّه

قلت آه يا المطـرق الميّـاس
من طـاري البعـد والصـدّه

ياليت يجمع قلـوب النـاس
أشبـاه والضـد مـع ضـدّه

وأحبك بهـا بـدون أقيـاس
ليـن العمـر ينتهـي حـدّه

يازين مافي البعـاد أونـاس
إن كـان لـك كـفٍ تمـدّه

عطني لعيني بعـدك إنعـاس
لا تـــاخـذ الـنـوم وتـلـدّه

وأنا أوعدك وأوعد القرطاس
بالحب فـي الليـن والشـدّه