عسى قلبك مثل قلبي من أوناس العنـاء ماجـور
بعد ماصرنا من أعلام الغرام ومن مشاهيره
وأنا مدري عليّ قصور وإلاّ مـا علـيّ قصـور
لكنّ الحـب هـاذي معطياتـه لا كثـر خيـره
يفك الباب للأحبـاب ويرمـي فالظـلام النـور
تعبنـا مـن خطايـاه ونشبنـا فـي معـاذيـره
تواضعنا علشان الغلا .. ميـر الغـلا مغـرور
كبر وأستكبـر .. وبينـي وبينـك زاد تقديـره
أجيك وخاطري يضحك وأروح وخاطري مكسور
وأنا صبري مثل صبره على كسـره وتجبيـره
ألا يا طول شرحي مير جرحي ما يبـي دكتـور
تداويـه المـودّه مـن عـذاب الشـك والغيـره