حزين ياملح البحر صاحبك ... ليه ؟
ماشلت منه ( بعض منه ) دخيلك ..

يرمي بـ حضنك ذكرياته وترميه !..
ماكنه اللي كان دايم يشيلك !!..

كم كان يرسم في عيونك موانيه ..
وكم من مواني في عيونه تسيلك ..

كم ليل صحّى مع جنابك طواريه ..
و كم جرح خاوى هفـهفاتك وليلك ..

كم من عهد خطـّه ترابك وتمحيه !..
وكم من نهاية كانت أشهى حصيلك ..

كم كانت آماله تنافس خطاويه ,
وكم كان يتعب من أسى ويجي لك ..

وهذا الخفوق اللي انا مبتلش فيه !!..
باقي خليلك وإلا ماهو .. خليلك ؟..

خله معك ماعدت أنا اطيق طاريه ..
وإلا اذبحه من شان يكمل جميلك ..

حزين ..
ياملح البحر صاحبك .. ليه ..!!؟
ماشلت منه ( كل كلّه ) دخيلك ..!!؟

.