ياليل وين الاحباب
ياليل خبرني وينهم
ياليل اسأل عنهم الاصحاب
يمكن يدلونك بيتهم
ياليل وان سرت وراهم
ارسم بطريقك خط خلني اتبعك
ولاتسرع بخطوتك
انا هدني الهجر منهم
وصرت مااقوى المشي بسرعتك
بس ياليل لاتخذلني وتبتعد
ابي منك وعد اذا لقيت دربهم
تحط علامة اكس
فكل زاويه تمرها
وعلى كل باب وشباك ترش عطر
بس ياليت يكون من عطرهم
وكلي امل فيك ياليل الوفا
ياليل خبرهم اذا شفتهم
قل لهم ثم قل لهم
بحال اللي هو ميت بحبهم
وشلون داهمته الاوهام
وشلون اسكنت فيه الاسقام
وكيف اصبحت انا جلد وعظام
يمكن يرقون شوي قلوبهم
ويمكن يوفون فبعض وعودهم
اللي قطعوها من قديم
يوم كنا جيران بالحاره
اللي كنانسميها فريج
وكنا نسمي الطريق طريج
وين ذيك ايام السعود
وينهاليتها تعود
يوم كنا اثنين والفطره تغلفنا
ونلعب بالرمل وفوق جدارالطين
اللي اصبح حزين يوم فرقتنا الاقدار
واصبح الدار بعيد عن الدار
وبقت الذكريات للشوارع
اللي مشينا عليها
وذاك الرمل يقطيها
واذا جا المطر فاحة ريحته
وريحة اجدارنا ذاك الطين
واليوم الشوارع غطاها السواد
وياخوفي القلوب غطاهاالسواد
بس خلوني احلم
والحلم ببلاش
خلوني ارجع للفريج والطريج
وجدارنا الطين اللي هزه الحنين
بس خلوني احلم
والحلم ببلاش
خلوني اطلع فوق النخل
يمكن المس ذاك القـــمر
واقطف حبات الرطب
واناولها وتغسلها وناكل سوا
الله ياهي عيشه كانت بسيطه
ولكن الحب كان اقوى من حب هالزمان
اللي يمكن يحبونك خمسه وثمان
بس لازم تدفع الاثمان
يحبونك لاجل جمالك ومالك
وان نقص واحد صرت ناقص
لالا مابي حب هالزمان
ابي حب ذاك الزمان
الحب اللي تغلفه البراءه
حب عذري شامخ
معروف الملامح
ماتبدله الازمان
يااجمل الخلان
--------------
بقلمي
نهيان النهيان