يا قلب سامحني علـى كـل زلـة


أخطيت في حقك كثير وتماديـت


علمتـك أدروب الهـوى والمذلـة


عليك يا قلبي قسيـت وتجنيـت


ياما نصحت وقلت من صـد خلـه


لا شك ما طاوعت يومك تخليـت


واليوم دمع الحـزن عينـي تهلـه


يا ليتني طاوعت شورك وصديت


يا قلـب أنـا ويـاك نـار ٍ ودلـه


من حزنها تشرب وأنا قد تقهويت


أصبر على بلواك والجـرح شلـه


أدري ترى ماجت على ما تمنيـت


اعاهدك لهجـر عـن الحـب كلـه


وانسى سنين ٍ ماضيه يوم حبيت


وان جا مـع الأيـام طاريـه قلـه


أني بعيد ٍ عنه مـن يـوم قفيـت


هـاذي بدايتنـا وهــذا محـلـه



ذكرى وأنا منها تعبـت وتعنيـت


يا قلب أصبـر والصبـر لا تملـه


الصبر مفتاح الفرج لـو تأنيـت


بس أنت سامحني على كـل زلـة


ولو اني في حقك اخطيت وأخطيت