شفت العجب في طبع ذا الناس نوماس = والعقـــل صارت في مـــداه انتكاســــه
بعض البشر لو حبك اهداك الالمـــاس = وخـــــلاك شيخٍ بين أهلــــــه وناســـه
واعطــــاك قـــــــدرٍ عاليٍ ماله اقياس = وخـــــلاك تنعم بالشرف والرياســــــه
وبعض البشر ينفيك ويدوس الاحسـاس = ويصبح مقامك مع غــلاك ابمداســـــــه
وبعض البشر مثل الذهب يرفع الراس = وفكـــره يشق الشمـس وهج وكياســـه
مثل الشهـد يشفي وعـــذبٍ وحســاس = تلقى الربيع بشوفته والســلاســـــــــه