. موتي ولا ظلم القرايب والاخوان
..........ياكبرها ليا الطعن جا من شقيقك
وش عاد ترجي من ورى الغيم هتّان
...........دام المزون سيول تغرق طريقك
وش عاد يبقى للعدل كف ميزان
...........والعدل خنجر يطعنَك به رفيقك
والله جريمه يوم تفرش له امتان
...........والكذب خلُقٍ يقتدي به عشيقك
يلعنْك دنيا .. ماعطت خير لانسان
...........الزيف بحرك .. خاب من هو غريقك
والدمعه الّي سالت بخدّ شيهان
...........تنشدك ربك يالخوي وش يعيقك
لو مادفنته حيّ .. والدمع الاكفان
...........حدسي يقول ان الغدر بلّ ريقك
ازمان مرّت .. هي مثل ؟ .. مرّت ازمان ؟
...........ودي إجابه .. واتصل في صديقك
لو قال : مْثْل المْثْل باقول غلطان
...........وان قال : فيها فرق .. خاسر فريقك
وان كان ودك ( حلّ ) لاتنشد اعوان
...........حلّه عقيمٍ .. وانتحر في عميقك
أدري صدمت ك بس وش ذنب الاعيان
...........تشرب وتسقي من ينابيع ضيقك
شفها متاهه لو غدى حلمك الوان
...........للنفس ذوق وللنظر لو يطيقك
مثل الوراثه لو سقط حق ديّان
...........تبقى المسائل قصةٍ .. ماتشيقك
مثل الغباء المشحذ لهمّة اذهان
...........مهما نتج يبقى ذكائك شفيقك
يعني لو ( نيوتن ) كتب بضع قيفان
...........يشبه ( حقيقه ) لو غدت هي ( حقيقك )
معنى يموت .. وتنبعث روح شيطان
...........تضمى ضياعك وان روت ماتريقك
كذبه وتكبر .. تلهب اعماق بركان
...........عقب الخمود اشتاق يكس ر بريقك
ياقاف تكفي سطوة الحرف برهان
...........تروي غباء الفكر لو جا يبيقك
ياهيه .. لا .. خلك ترى ماني انسان !
...........( حرفٍ حلف يطمس معالم شقي..قك ) .