ان كان بوحي بالشعر عاجبها
قولوا لها بانها مصادر بوحي


من [جزل شعري] قمت في واجبها
لعلّها تلقى دوى لـ[جروحي]


العين ما تعلى على حاجبها
ومن دونها وش عاد [تسوى] روحي : (










مصارحه:






جفيت و تناسيت الذي ما ذخر لك شيّ
وطعنت الخفوق إ/بدون سيفٍ و لا حربه




وانا ميّتٍ عقبك و قدم المعادي حيّ
اخاف [يتشمّت] لا لمحني و انا بكربه




احسّك [قريب] و في عيوني سواة الضيّ
وأثاري سرابك ميّ ما اقدر على شربه




تمكّنت بي و اسرفت بي في دروب الغيّ
وحالي غدت من عقب [لاماك] مضطربه




توّلعت في حسنك و انا دوب [قلبي] نيّ
ووّلعت خفّاقي و لا قدني اشعر به




توارى كما ظلٍ رحل في [سدول] الفيّ
ولا عاد ياسعني [الفضا] شرقه و غربه




اللاحي [حمام الدوح] و انوح من ما فيّ
وحلم الوصال المرّ يا بعده وْ قربه




غريب [الديار] ا/يعود لو زاد جرحه كيّ
وغريب [المحبّه] ما لتقى يوم مع سربه




واذا انّك بديت بتطوي [ايام عشقي] طيّ
وداعتك [قلبي] دام دربك على دربه




وابعيش دونه دام ربّي مسك بيديّ
ولو كان بعدي كل همٍ تحدّر به




قضيت الزمن [متعب] و لا في يديني شي
وانا من تراب و آخر العمر للتربه









رحيل بـ[هدوء] :




مدري تغيّرنا و يمكنّه الوقت
غيّرك يا اللي بـ[البشر] كنت خصمه



ابغاك لا منّك [قربت] و تهايقت
تشوف جرحٍ حط بالقلب بصمه