الحب عندي شمس ما تقبل الظل
ماهو مثل غيمة تروح بمطرها
أما أكون فعينك الكل فالكل
حولي مثل نجمة عشاني سهرها
والاَّ التململ قصة إنسان لا مَل
أقصى همومه لا بغى يختصرها
وش مطمع الشاعر إذا عاش مهمل
إلا حروفه للمشاعر نذرها
أغليك وأجمعلك من الورد والفل
سلَّة معاني ياكثر من سبرها
ما فيه أنثى غيرك انتي تدلل
أدري .. ولحد غيري أمرها وزجرها
بس الحكاية كلها ماتأوّلْ
ليلة أنا عميا بغيبة قمرها
تدرين بي طفلٍ يتيمٍ تغربلْ
تصحَّرتْ ..دنياه وانتي شجرها
علمني القيظ الطويل أتسلّل
من برد روحكْ لو بكيتْ لكدرها
والله ماكذب فيني احساس يقتلْ
نفسي عزيزة .. لو جهلتي خبرها
أحب فيك غرور قادر تأمَّل
حس بحروفي صانها واحتكرها
وأحب فيك الحين لحظة تمهُّلْ
تشعر بنفسي كيف تخفي قهرها
يا بنت أنا من قلبي الحب ماكَلّْ
ياكم أنثى تنتظر ما انتظرها !

منا الوفى يا وفي الروح يتعلــــم
كل التعابير تبحر من شواطينــــا


وأن كان جدت جدايد حبنا أقــدم
لا عاش رأس على الدنيا يبكينـــا