مشكور يآحظي ، على هيك تنبيه !






من واقع اللي صار من ذكرياتي

عرفت من يستاهل إني أخاويـه




وأيـّـة حكي من قبل يوصل شفاتي
لازم أفكـّر فيه من قبل لأحكيه



إلين صار الصمت أربع جهاتي
بالذات لامن صرت مع واحد أغليه



بالأمس كنت أهديه كل أغنياتي
واليوم بان الزيف وإنكشفت وجيـه


الناس فيهم من تمنى وفاتي

والناس فيهم من يبيني وانا ابيه




المشكلة إني طيّب ومن صفاتي

إني إذا شفت الخطأ قمت أعديّـه



خلاص انا مليّـت ماعدت أحاتي
واللي يدوّر زلتـّي ويش أبي فيه



درس وفهمته زين فـ أول حياتي
مشكور يا حظي على هيك تنبيـه !!