منتديات سكون القمر - عرض مشاركة واحدة - آنْآ مَنّ شفَتـہ حّبِيتْـہ ..{~ جٌننِيً يَخّرِبْ بَيٌتـہ ..•°

10-03-2012, 10:30 AM

تـعـال شــف لــي بالمحـبـه طريـقـه صفحة غلانـا مابهـا زيـف وقصـور
حتـى الصبـر ماعـاد روحـي تطيقـه لو تعتـذر بالوقـت ؟ مانتـه بمعـذور
أن كـان ودك تـعـرف اكـثـر حقيـقـه بنيت لك في خافقي صـرح وقصـور
فـي ناظـري هـذي دموعـي غريـقـه والقلب مـن فرقـاك بالحـب مأسـور
من لوعة الفرقـى جروحـي عميقـه والعمر دونـك مالـه بعينـي حضـور
النـار شبـت وســط جـوفـي حريـقـه ضاعت سنين العمر والقلب مقهور
بغبـة محيـط البحـر شفـنـي غريـقـه الشمس غابت والمدى ليـل ديجـور
غربـة مشـاعـر بـيـن هــمٍ وضيـقـه متى على الله تلمح عيونـي النـور؟
بيـن المـواجـع والـجـروح العتيـقـه الحـزن فـي قلبـي محيطـات وبحـور
جــزل القصـايـد (للمـحـبـه) وثـيـقـه وأبعـد مسافـة بيننـا حفـنـة سـطـور
أنخـى أعزومـك والهقـاوي طليـقـه دام الوفـا مبـداك والطـيـب دسـتـور
ويـن المحـبـه ؟ والعـهـود الوثيـقـه ياللي مكانك بالحشاء ورد وزهـور
تعـال خـذنـي عــن عـيـون الخليـقـه في غيبّتك قلبي مـن البعـد مكسـور