الليل ياساهره والصبح ياسارحه ... حالي كما حالكم ولالقيت سنعي !!

أصابح الهم والهاجوس وأمارحه ... لكن تكفين ياصفوة هجوسي دعي !!

خواطراً تترك الاعداء علي فآرحه ... صكي عليها بوسط الصدر لاتطلعي !!

يالتيني ماسمعت الكلمة الجارحه ... ياصاحبي بسألك هل كلمتك من وعي !!

أشوف ماكن شيء قلته البارحه ... وأنا من البآرح تأكل وتشرب معي !!

ياليت ماصار بيني وبينك مصارحه ... وياليت مامرت الكلمة على مسعمي !!

أصبحت كن الجمل ربي علي طارحه ... من هول ماقلت يوم أنك علي تدعي ٌ !!

يلي لعينك صخرت أفكاري السارحه ... لقيت بعد الغلآ على يدك مصرعي !!

قد كنت كمبهج هموم الصدر شارحه ... واليوم خليتني ياعقب رأس أصبعي !!

لكن شكلك نسيت الكلمة الجآرحه ... وأنا من البآرح تأكل وتشرب معي !!