ان كان تكره جيتي يوم ماجيت
وتكره رسايل من جهازي تجيلك
اكره بكيفك .. لكن ورب هالبيت
ا ني ولا اغلي في حياتي مثيلك
وان كنت في داخل حياتك انا ميت
يكفيني اني قبل موتي خليلك
ياما عطيتك مابغيت وتمنيت
هديت حيلي الله يهد حيلك
محد ٍ عطاك اكثر من اللي انا اعطيت
ولحد ٍ يجيلك كثر ماكنت اجيلك
كنت اتبعك لاشفتك بيوم عديت
كنت احسدك لاقمت تمسح جديلك
كنت ارتعب لاجبت رقمك ودقّيت
والعنْك والعن آخرت سلسبيلك
وارجع واعيد الرقم ثاني وحنيّت
واقول ذابحني وكمّل جميلك
كم مرة ٍ في حقي اخطيت واخطيت
ازعل عليك وثم اجي ارتمي لك
واليوم شكلك عن حبيبك تخليت
اقفت بك الدنيا وانا ارتجيلك
لو كنت انا اعرف وينك او وين ولّيت
لاجيك واوريك حالة عليلك
ياليت لو انك بقبرك توفيت
على الاقل اعرف مكانك واجيلك