والله من دمعٍ على وجنتي سال ** من زود حزني احرق الدمع موقي

والله من قلب على كثر ماشال ** من البلاوي ماتحمل يروقي

كل ماسترت الهم القى له ظلال **ظله يطوقني كما لف طوقي

والله من حظٍ فقيرٍ ورحال **كل مالحقته شد واثره سبوقي

ياحظ مال الوقت والوقت قتال ** خلك كريم وعطني ابسط حقوقي

اليا متى انطر انا راحة البال ** قفت مزوني واتحرى البروقي

فيني هموم يهابها الف رجال ** وفي داخلي اعمق واشد الحروقي

ماغير دمعي فوق الاوجان همال **قتلني احساسي وعطفي وشوقي

بأسباب غيبة من له القلب منزال ** داوى جروحي واصبح اليوم عوقي