خربشات طفل على ظله

مسكين ذاك الطفل

يمشي ويتعثربخطوته

يسحب ظله وراهــ

يصرخ الاهـــ

يمشي ويرسم همومه

بخط رجلين متعبتين

كل من شاف خطاويه

قال خربشات طفل

مايدرون انه منهك

مايدرون انه يتيم

فقد امه قبل ابوهـ

وماله بالدنيا عوين

غير رب العالمين

يبي يتبع اي طريق

يوصله لقبر امه

يبي يشم ريحة امه

يبي حنان امه

يبي وجه حنون

وايادي تظمه

مثل ظمة ابوهـ

مسكين ذاك الطفل

ينام بالطريق ماله اهل

لااخو يساندهـ

ولااخت تحضنه

ولاقريب يساعدهـ

غير زندهـ وساعدهـ

يصارع الحياة لجل لقمه

ينطق الاهـ بشفاهـ لها نبرة حزن

يتحسر على امه

وحضن ابوه اللي يظمه

رسم في الطريق

خربشات طفل حزين

لين صار يتعثربظله

ولاقدر على مر الزمان

يمشي يطلب لقمه ترمه

ورشفة ماي تعينه

تزيل المراره اللي بجوفه

واصل طريقه

وتحت رجليه حريقه

مالقي الحنان

وتاهـ بقدر الزمان

وقال وين الامان

وصار يحسب السنين

اللي قال فيها لله يامحسنين

ودارالزمان واشتد عودهـ

ماقابل الدنيا بجحودهـ

دوم يقول الحمدلله

كان لي والدين

هم ضوى العين

اسأل الله الغفران

لي ولهم على مر الزمان

واكتملت الصوره

من خربشات طفل

على رمل الطريق