وفاة أمي الله يرحمها (( فايزة بنت سليمان الدَخيَل ))
ألحان وأداء: سلوم السلوم
كلمات: بندر الخمشي
توزيع وهندسة: عبدالله العبره
تصوير: ريان الزنيدي

كلمات الأنشودة:

أنا احمد الله ماتت امي على خير ..
والحمد للي كلنا مرتجينه ..
وفاتها ياناس كله تباشير ..
واللي فقد غالي عسى الله يعينه ..
مكتوب من ربّي وهذي مقادير ..
الموت حق وكلّنا ذايقينه ..
راحت وقلبي كافخن كنّه الطير ..
ماهوب حزن الاّ فراق وغبينه ..
من شافها بالمغسله حزّة عِصير ..
النفس تفْرح عقب ماهي حزينه ..
راضين في حكمه ومنْه التدابير ..
واللي يجي من ربّنا مرتضينه ..
نورن نشوفه صِدْق من وجهها غير ..
رد الامل لنْفوسنا والسكينه ..
نبع العطا وِرْد الحنان ومصادير ..
ماتت وهي ماشالت ايّت ضغينه ..
صحيح فقْد امي علينا مخاسير ..
دربن مشت به كلنّا سالكينه ..
مادام كل الناس تشْهد لها بخير ..
فالحمد للي كلّنا مرتجينه ..