مجبور أعيش العمر كله بلياك
اخفي شعوري بين نفسي وذاتي
من مركب الأحزان خذني لدنياك
اليأس حطّم بالغياب أمنياتي
كانك نسيت الود وشلون بنساك
معاك ما أنسى أبد ذكرياتي
لا تظن اني مع الغير باسلاك
الغدر ما هو يا حبيبي صفاتي
كل الوجود أنساه لا صرت وياك
وتتصور إنك كل شي بحياتي
أفرح بذكرك كيف لو صار لقياك
تصفا لي الدنيا وتضحك شفاتي
حبك تجسّد في حياتي وذكراك
طول العمر باهواك حتى مماتي
حيرتني يا ناحل الخصر وش جاك!
اليوم تجهل بالهوى تضحياتي
قدام عينك اشتكي واترجاك
أموت قدامك وبيدك نجاتي
صوتٍ من الوجدان يا زين ناداك
تعال واجمع ما بقى من شتاتي