رسمتك صوره للفرحه ولَونّتك بنور الحب
خجل من صورتك همي دقايق شفت راحاتي

خسارة روحي وارباحي في ضحكاتك ترى المكسب
في قربك يهتني قلبي وبُعدك هم وآهاتي

على شانك حلف قلبي يشيل الهم مايتعب
وروحي عاهدت عيني تعانق موق عبراتي

عشانك ياذهب وافي حنان الود لو يلهب
أحبك وازرعك ورده جميله بمنتزة ذاتي

حبيبي يانظر عيني غصب عنك ترى تنحب
عيونك , بسمتك تجذب وتبعد كل علاتي

عشان عيونك الحلوه بنيت بداخلي منصب
وفي قلبي اعتلى حبك وخاوا كل نبضاتي

فداك الروح ياروحي وعيني والعمر والقلب
طلبتك , واطلبك لو يوم فلا تهجر محطاتي ؟!

إذا فكرت تنساني وتكسر خافق(ن) لك حب
أنا أرضى بكسراتك ولكن في مساحاتي !

أشيل الهم واتعذب بقربك واقترب أقرب
في بحر عيونكم أغرق , فلا تسمع مناجاتي ؟

كفايه ألمحك يَمّي , تشاهد غرقة المركب
أحبك لآخر أنفاسي , وارددها بصرخاتي ..!!

محمود الشاهين - شاعر الغربة