اكتب مع الريح .. اشتكي ريح السفر

واكتب على الريح .. اشتكي ليل السهر

اشكي ضنى الوجد الأليم

وابكي غدا حرفي يتيم

واكتب مع الريح .. اكتب مع الريح

اشتكي ريح السفر ..


اكتب مراسيل الغلا .. للي خلا منه المكان

واللي به القلب انكوى .. شوق وحنان

يا سلوتي مالي على الفرقه جلد

يا غربتي انتي الحبايب والبلد

واكتب مع الريح .. اكتب مع الريح

اشتكي ريح السفر ..


ويلاه .. وا دمعي اللي انتثر

ويلاه .. وا صوتي اللي اندثر

صوتي غدا طيرٍ غريب .. خايف جناحه ينكسر

ليلي مع الدمعه طويل .. صبري على الفرقه قليل

واكتب مع الريح .. اكتب مع الريح

اشتكي ريح السفر ..

كلمات: بدر بن عبدالمحسن